بۆ من کە لەوێ جێمام … دانا ئەحمەد


ژماردنی کات سودێکی نیە
تێپەڕینی ڕۆژەکان
لە تەنیایدا هیچ واتایەکی نیە
ئێستا کاتژمێرەکەم فرێداوە
لای من هەموو کاتەکان بێ تۆییە
هەموو ڕۆژەکان لە مەراقدا لە یەک دەچن و پێویستم بە زانینی شەممەکان نیە٫
دوای تۆ هەر ڕۆژەو شتێکم تەرک کرد٫
ڕۆژێک پێکەنین
ڕۆژێک پیاسە
ڕۆژێک قژ داهێنان
ڕۆژێک کاتژمێر و
ڕۆژێکیش زانینی ڕۆژەکان٫
ئێستا هەناسە دەدەم و جار جار نامەیەکت بۆ دەنووسم٫
ڕۆژێ واز لە نووسینی نامەش دێنم٫
ڕۆژێ کە ئیتر وازم لە هەناسەش هێناوە!