Skip to Content

114 Views

:له‌ به‌ندیخانه‌وه‌ بۆ به‌ندیخانه‌ !.. نوسینی هه‌ژار ته‌ها

:له‌ به‌ندیخانه‌وه‌ بۆ به‌ندیخانه‌ !.. نوسینی هه‌ژار ته‌ها

Be First!
by March 15, 2019 General
image_print


دۆخی په‌نابه‌رانی كورد له‌ناو مشتومڕه‌ سیاسیه‌كاندا
ڕه‌نگه‌ بڕیاری گواستنه‌وه‌ی په‌نابه‌رانی نه‌خۆش له‌ دوورگه‌كانی مانوسی پاپانیوگینیا و ناورۆوه‌ بۆ ئوسترالیا له‌لایه‌ن ئه‌نجومه‌نی (سیناتی ئوسترالیا)ه‌وه‌ له‌دژی ویستی حكومه‌ت، به‌مه‌به‌ستی وه‌رگرتنی چاره‌سه‌ری ته‌ندروستی زۆرترین مشتومڕی سیاسی و میدیایی به‌مدوایانه‌ به‌دوای خۆیدا هێنابێت.
ئه‌و په‌نابه‌رانه‌ كه‌ به‌شێكیان به‌ڕه‌گه‌ز كوردن ، ئه‌و كه‌سانه‌ن كه‌ پێشتر ویستویانه‌ به‌ قاچاخ و به‌ به‌له‌م ڕوو له‌ ئوسترالیا بكه‌ن به‌ڵام ده‌ستگیركراون و ڕه‌وانه‌ی ئه‌و كه‌مپانه‌ كراون و هه‌رگیز ئوسترالیا مافی په‌نابه‌رێتیان پێنابه‌خشێت.
بۆیه‌ له‌پاش بڕیاری گواستنه‌وه‌یان هیوایه‌كیان بۆدروست بوو كه‌ بتوانن له‌و دوو دوورگه‌یه‌ ڕزگاریان بێت كه‌ ماوه‌ی چه‌ندین ساڵه‌ له‌دۆخێكی مرۆیی خراپدا له‌وێ‌ ده‌ژین. به‌ڵام هه‌ر زوو ئه‌و هیوایه‌ كۆتایی پێهات كاتێك سه‌رۆك وه‌زیرانی ئوسترالیا بڕیاریدا به‌ كردنه‌وه‌ی كه‌مپه‌كانی دوورگه‌ی كریسمس به‌مه‌به‌ستی چاره‌سه‌ركردنی ئه‌و په‌نابه‌رانه‌.
سه‌رباری ئه‌وه‌ی كردنه‌وه‌ی كه‌مپه‌كان له‌و دوورگه‌یه‌ش نیگه‌رانی به‌دوای خۆیدا هێنا ، به‌ڵام سه‌رۆك وه‌زیرانی ئوسترالیا ڕایگه‌یاند ئه‌وان كۆتاییان هێناوه‌ به‌ كۆچی قاچاخی ده‌ریایی و هه‌ر په‌نابه‌رێك بیه‌وێت به‌ قاچاخ و به‌ به‌له‌م ڕوو له‌ ئوسترالیا بكات ده‌ستگیرده‌كرێت و ڕه‌وانه‌ی ووڵاتی خۆی ده‌كرێته‌وه‌ یان ڕه‌وانه‌ی ئه‌و ووڵاته‌ ده‌كرێته‌وه‌ كه‌ هه‌وڵی داوه‌ لێوه‌ی بچێت بۆ ئوسترالیا. بۆیه‌ به‌ گوێره‌ی پلانه‌كه‌ی حكومه‌ت، ئه‌و په‌نابه‌رانه‌ نه‌خۆشانه‌ ده‌توانن به‌ ویستی خۆیان له‌ دوورگه‌ی كریسمس بمێننه‌وه‌ به‌ڵام ناتوانن بگه‌نه‌ خاكی سه‌ره‌كی ئوسترالیا، ئه‌وه‌ش بۆئه‌وه‌یه‌ كه‌ هه‌رگیز كه‌سی تر بیر له‌ كۆچی قاچاخی به‌له‌م نه‌كاته‌وه‌ بۆ ئوسترالیا چونكه‌ ئه‌گه‌ر بیانه‌وێت “یاری” به‌ سیسه‌ته‌مه‌كه‌ بكه‌ن و بیانه‌وێت به‌ شێوه‌یه‌كی تر بگه‌نه‌ ئوسترالیا ، ئه‌وا ناتوانن.
سیاسه‌ته‌ تونده‌كانی ئوسترالیا له‌به‌رامبه‌ر په‌نابه‌رانی به‌له‌می قاچاخ جێگه‌ی نیگه‌رانی ڕێكخراوه‌كانی داكۆكیكاره‌ له‌سه‌ر ئاستی ناوخۆیی و جیهانیش، كه‌ سه‌رجه‌میان ئه‌و كه‌مپانه‌ به‌ به‌ندیخانه‌ داده‌نێن.
بۆیه‌ ، له‌به‌ر ڕۆشنایی ئه‌و سیاسه‌ته‌دا ، ڕه‌نگه‌ گواستنه‌وه‌ی په‌نابه‌ران له‌و دوو دوورگه‌یه‌وه‌ بۆ دوورگه‌ی كریسمس هه‌ر گواستنه‌وه‌ بێت له‌ ” به‌ندیخانه‌یه‌كه‌وه‌” بۆ ” به‌ندیخانه‌یه‌كی تر”.

نوسینی: هه‌ژار ته‌ها

Previous
Next

Leave a Reply