Skip to Content

483 Views

دژی پاگەندەیەک دوای بردنەوەی ترامپ … دژی پاگەندەیەک دوای بردنەوەی ترامپ

دژی پاگەندەیەک دوای بردنەوەی ترامپ … دژی پاگەندەیەک دوای بردنەوەی ترامپ

Be First!
by November 11, 2016 General
image_print

بۆرژوازی ئەمریکی بە هەموو بەشەکانییەوە، بۆرژوازی ئەوروپی و جیهانیش هەموو بەشوێنیدا، بە هاوکاری ماسمیدیای نۆکەر بە چڕوپڕی سەرقاڵی ئەوەن، بە بۆنەی بردنەوەی کایەی هەڵبژاردنی ئەمریکاوە، ئێمە حەواڵەی حەماقەت و سەرشێتییەکانی دۆناڵد ترامپ بکەن، تا لەم ڕێیەوە ڕوخساری دژی ئینسانی و بەڕبەڕییەتی سەرمایەداری و گشت نوێنەرانی کاپیتاڵیستی ئەمڕۆ، هەر لە فاشیزمی قەومییەوە تا شۆڤێنیزمی ئیسلامی، ناسیونالیزم، لیبڕاڵیزم و دیموکراسیزم تا بە فڕوفیشاڵ و پاگەندەی دیکە داپۆشن و بیشارنەوە لێمان!

ڕاستە ترامپ سەرڕاستتر لە ئۆباما ڕەنگە جیهانی ئێمە پاڵ پێوەنێت بۆ نێو جەنگ و کێبەرکێیەکی توندتری تەقسیمکردنەوەی جیهان و برسێتی و هەژارییەکی زیاتر بکاتە نسیبی دەیان ملیۆن ئینسان، وە ئێستاو ئاییندەی مرۆڤایەتی نغرۆی قازانپەرستی و چاوچنۆکی سەرمایەو سەرمایەداران بکات زیاتر لە ڕابردوو، بەڵام ئەو حەقیقەتە نابێت لەیاد بکرێت کە هەموو ئەم تاوانکارییانەو ئەم فریوکرایانەی چینی بۆرژوازی ئەنجامیئەدات لە ترسی کۆمۆنیزم و چینی کرێکار ئەیکات، لەترسی هاتنەمەیدانی هیزی گەورەی شۆڕشی کرێکاری و سۆشیالیزم ئەیکەن.

چونکە چینی بۆرژوازی باشتر لە هەر کەسێک درکیان بە مەترسی چینی کرێکارو هێزی ژێروژوورکەری ئەو بۆ گۆڕینی ئەم جیهانە کردووە بە جیهانێکی باشترو شاییستەتر. ڕژێمی سەرمایەداری تەنهاو تەنها لەلایەن کۆمۆنیزم و هێزی پرۆلیاریاوە ئەتوانریت بگۆڕڕیت بە سیستەمێکی سۆشیالیستی کە ئینسان تیایدا ئەسڵ و سەرەکییە. بۆیە هەمیشەو هەموو ڕێگایەک دەگرنەپێش‌و لە تێکۆشاندان بۆ بەرگرتن بە هاتنەمەیدانی ئەم هێزە شۆڕشگێڕو ئاڵوگۆڕ بەخشە، کە هەڵبژاردنی سەرۆکایەتی ئەمریکا یەکێک لەو ڕێگایانەیە. واتە ڕاکێشانی سەرنجی خەڵکی جیهان بۆ لای دیموکراسی و هەڵبژاردنی پارلەمانی و چی و چی کە نموونەکەی لە ئەمریکا هەر ٤ ساڵ جارێک نماییش دەکرێت!

مرۆڤایەتی نابێت چیتر فریوی ئەم گەمەیەی چینی بۆرژوازی ئەمریکا بخۆن و تەسلیمی چارەنووسێک ببن کە ئەوان و هاوڕێکانیان لە ئاستی دنیادا بۆ ئینسانییەتی ئێمەیان داڕشتووە. ئێستاو ئاییندەی ئێمەو جیهانی ئێمە بەندە بە خەباتی چینی کرێکارو بە پراکتیکی شۆڕشگێڕانەی کۆمۆنیزمی کرێکارییەوە. ڕێگا خۆشکەن ئەم هێزە بێتەپێشەوەو هەموومان پێوەی پەیوەست ببین. سەقامگیریی و ئاشتی و ئاساییش لە سەدەی بیست و ئێستاشدا بۆرژوازی بە جەنگە جیهانییەکانی سەلماندوویەتی پێی بەرقەرارناکرێت. ئیتر سەردەمی کۆمۆنیزم و چینی کرێکارو ئازادیخوازانە جیهان بەدەستەوەبگرن.

حەمە غەفور

١٠نۆڤەمبەر٢٠١٦

Previous
Next

Leave a Reply