Skip to Content

60 Views

نامه‌كانی ئیشق … هه‌موو به‌یانییه‌ك … سه‌ردار جاف

نامه‌كانی ئیشق … هه‌موو به‌یانییه‌ك … سه‌ردار جاف

Be First!
by March 25, 2019 General, Kids Literature
image_print

8 – كازیوه‌یه‌ك بێ بیركردنه‌وه‌ی ژوانی نوسین مانا و چه‌مكه‌كانی خۆی ده‌سوتێنێ، گزنگێ به‌ بێ ئه‌ندێشه‌كردنی ڕۆژانی ڕابردوو….. ته‌مه‌ن ڕووه‌ و كزبوونه‌وه‌ ده‌با، به‌یانیانێ بێ تێفكرینه‌ هه‌سته‌ جوانه‌كانت مۆته‌كه‌یه‌ك بینه‌قاقای هه‌ناسه‌م ده‌ته‌نێ، چۆن ساته‌كانم به‌ ئازاری دووری تۆوه‌ ده‌به‌مه‌ سه‌ر هه‌ر ئاوایش مه‌حاڵه‌ و ناكرێ په‌نجه‌كانم یاده‌كانی پێكه‌وه‌ییمان نه‌نوسێته‌وه‌، ئه‌گه‌ر بێت و ڕوحم به‌ سه‌ر شاباڵی پایته‌ختدا نه‌فڕێ و له‌ گوێسه‌بانه‌ی كولیته‌كه‌ت له‌ شه‌ققه‌ی باڵ نه‌دا، ئه‌وا هه‌موو به‌یانییه‌ك روحم ده‌گری ژیر نابێته‌وه‌، وه‌ڵامی تۆ ئه‌سرینه‌كانی ده‌سڕێته‌وه‌، هه‌موو سپێده‌یه‌ك بینایی دیده‌م لێڵه‌ تا ئه‌و ده‌مه‌ی حه‌رفه‌كانت ده‌رده‌كه‌ون، گشت سپێده‌یه‌ك دونیام به‌ سه‌ردا ده‌ته‌پێ جیكه‌ی زه‌نگی نامه‌كه‌ت ده‌بنه‌ شه‌به‌قی تروسكایی و له‌ ته‌مه‌نی نوێما هه‌ڵ دێ ، باغچه‌كه‌م به‌ تۆ پڕ گوڵ ده‌بێته‌وه‌، گوڵه‌كه‌م له‌ گوڵ گوڵتر .
9 – به‌یانییه‌ و مه‌یلی دیتنی چاوه‌كانت ناخی هه‌ژاندووم، په‌نای پێ بردوومه‌ته‌ به‌ر ئاوازی به‌سته‌ی مه‌ستبوونی ئه‌وین، وشكه‌ سۆفی نیم تا گله‌و گازنده‌م بێته‌ سه‌ر، ئه‌شق خۆرێكی بێ ئه‌ندازه‌ی ئه‌وینی تۆم، سینگم قاژقاژی شه‌قار بوونی گرتووه‌، مه‌حاڵه‌ هه‌توانێ هه‌بێ سارێژی بكا جگه‌ له‌ بزه‌ و خه‌نده‌یه‌كی لێوه‌ ناسك و پڕ تریفه‌كه‌ی تۆ نه‌بێ، ده‌روێشی ناختم له‌ ته‌كیه‌ی سه‌ر سینه‌ت زیكر و ته‌هلیله‌ی سۆزمه‌ بۆ باڵات، له‌ به‌ر ده‌رگای بسكتا هه‌موو سپێده‌یه‌ك ته‌سبیحاتی مه‌یل بوونم ده‌كه‌م، ده‌پێم بڵێ حه‌یرانت بم ، خالقی كردگار چه‌ند ڕۆژ و مانگ و ساڵ به‌ دیار هاوێربوونی نه‌خشی جوانیته‌وه‌ مفت و ده‌سته‌مۆ ببوو تا بێ ڕتووش ببیته‌ جوانێك له‌ گوڵ گوڵتر بی .

ئه‌ڵمانیا
28 / 2 و 1 / 3 / 2019

Previous
Next

Leave a Reply