Skip to Content

تتریرۆری سەردەشت عوسمان، قۆناخی ململانێیەکی  بێکۆتایی … جەمال کۆشش

تتریرۆری سەردەشت عوسمان، قۆناخی ململانێیەکی بێکۆتایی … جەمال کۆشش

Closed
by ئایار 4, 2019 General, Opinion, Slider


یادێک لە رۆژی ٤/٥/٢٠١٠


کردەوەی تیرۆری سەردەشت عوسمان

پرۆسەی تیرۆرکردنی سەردەشت عوسمان، زنجیرە ڕوداوێکی ڕوونن و پێکەوەبەستراون. سەردەشت عوسمان، وەک ژورنالیستێکی ڕەخنەگر(دەرگاکان دامەخەن ، دونیا لەدەرەوە دەمانبینن(……….، وە نزیکەی سەرجەمی بەرهەمەکانی))، وەک نوسەرێکی بەتوانا بۆ دەرخستنی گەندەڵی ، وسەرکوتی وەحشیگەری دەسەڵاتی کوردی، ناشرینی خودی ئازادی بۆ ڕیاکارە سیاسیەکانی (هەموو ڕاکەن، ئازادی هات)، (………….) وەک هوۆمۆریستێک، فەنتازیا وجوانی وشەوقدانەوەیەکی تایبەت بە خۆی هەیە( من عاشقی کچەکەی بارزانیم) . هەروەک چۆن پێنوسەکەی، خۆشەویستی دەوروبەری(بیرەوری هاوپۆلەکانی لە زانکۆ و ژیانی کۆمەڵایەتی وکەس وکاری)، کاراکتەر وکەسایەتی پێدەگا و دەخەمڵێت وهەر لەماوەیەکی کورتی ژیانی تایبەتی ورۆژنامەگەری و نوسیندا هەڵدەدا وپەرەدەستێنێ وتێدەکۆشێت (ڕاستگۆیی )و(بەدەربەستی ) و(ئیرادە ) لە بۆتەی نوسینەکانیدا بەژنێکی ڕاوەستاوی هەبێت. (وشەنخونی وبەپرەنسیپ بەڵام بۆ نه‌وه‌یه‌ك كه‌ جوامێری له‌ ئیراده‌یه‌تی مانای شه‌رمه‌زارییه‌/سەردەشت عوسمان) بە دیار ئازادی ئێوەوە دابنیشین.

. مافیایکانی نێو مافیاکان ێ(وەک شێرکۆ بێکەس بۆسەردەشت عوسمان ووتەنی) بەهەمان ووردەکارییەوە، لەووردودرشتی ژیانی دەکۆڵنەوە ، نەخشە وپلانی چەپەڵ دادەڕێژن. هیچ گومان هەڵناگرێت تیرۆری سەردەشت عوسمان بەبەرنامەیەکی تۆکمەوەپلان ونەخشە بەبەرزترین وسێکوچکەی دەسەڵاتەوە گرێدراوە.ن. سەردەشت عوسمان، ئاگادار دەکرێتەوە کە هەولیر جێبهێلێت(وەک لەنامە ونوسینەکانی دا دەردەکەوێت، ڕوو بکاتە هەندەران ، یان بچێتە سلیمانی،دواتر دێمەوە سەر ئەوەی بۆ ئەمانە هەلنابژێریت سەرکێشی دەکات ولەهەولێر دەمینێتەوە) . پاشان هەڕەشەکان توندوتیژتروقەهراوی تر دەبنەوەو بە ڕفاندن وتیرۆر، سڕینەوەی فیزیکی لەسەر شانۆی ژیان بە کۆتاییەکی تراژیدی دەگات.

هەمان زنجیرە ڕوداوی هاوڕێی هەمیشە زیندوو(نەزیر عومەر لە شارۆچکەی سومەیل لە ٢٥.٨.١٩٩٣ )، دوبارە دەبێتەوە. نەک هەر لەرۆژنامە وڕێکخراوە جیهانیەکان، پەنجەی تۆمەتباری بۆ پارتی دیموکراتی کوردستان (وەک واشنتۆن پۆست و.ڕێکخراوەی ئەمەنستی ئەنترناسیۆنال) دەکەن ، بەڵکە بەزمانی کوردی هەر لەوێبسایتی سەردەشت عوسمان بە زمانی سۆرانی، خوێنەر بە وردی هەموو پلانەکە، کەسەکان، پلە وپایەیان ، بە ووردەکارییەوە.ئاگادار دەبێت. http://www.sardashtosman.com/ku/ بە پاکتاوکردنی جەستەیی سەردەشت عوسمان، ئازادی رۆژنامەگەری وەک بەشێک لە ئازادییە سیاسیە سەرەتاییەکانی خەڵکی کوردستان، لەگەڵ زەبرێکی قەرەبونەکراوە ڕووبەڕوو دەبێتەوە کە ململانێیەکی چارەنوساز لە نیوان خەڵک و دەسەڵاتدارانی هەولێر دەکاتەوە.


سەردەشت عوسمان ونوسین


نوسینەکانی سەردەشت، ووزەی وشکۆوتوانامەندی ودڵنییایی ی بەخشیەوە، بە تیۆری بە لە کردەوەی شۆڕشگێرانەدا بەخشیەوەووش. ەووتارەکانی . توانای بەکارهێنانی گوزارشتکردن ڕاستیەکانی ئاوێتە یوکردنی بارگاوی بە وشیاری چینایەتی بۆ بەسەرچوونی سەردەمی بە چەکی ڕوبەڕبونەوە لەگەڵ هێزە کۆنەپەرست ودەسەڵاتە خێلەکیە شێوە حوکمڕانیەکان لە پوخترین وئارامترین وساناترین ستراکتوردا بەرجەستەکردەوە. . ئەوانەی گلەییان بوو لەوەی نوسین گلەییان بوو، لەئاست زەبری قەهراوی وملهوڕی دەسەڵاتدا هیچی پێناکرێت، لە نوسین بێ هیوا ببون، سەردەشت عوسمان داری بیروهۆشیاری وئومێدی ئازادی بەخوێنی گەشی ئاودا. وزۆر بلێیە. سەردەشت بە ماوەیەکی کورتی کاری ڕۆژنامەگەری، پێنوسێکی خارای وەهای داهێنا لەق ەڵەمێکی پەیداکردنوسینی درکاندنی نهێنیەیەکانی ناوەوەی کە گەورەترین وبەهێزترین هێزی نا واقعی لەبەرامبەر خۆیدا ڕاگرت (ئاوێنەیەکیان بدەینێ تا بەقووڵی خۆیان ببین/سەردەشت عوسمان ) کە چەند دزێوو ناشرین وتاریک وڕیسوان. ،

زۆر بەڕێز بەزمانی جۆراوجۆر دەربارەی سەردەشت عوسمان، نوسینیان بڵاوکردۆتەوە، زۆریک لەوان، ئەو خاڵەیان بە ووردی بەرچاوخستوە، چاندنی ترس ودروستکردنی ژینگەی تۆقاندن ،زۆر فراوانترە لە پاکتاوکردنی جەستەیی ڕۆژنامەنوسێک. ئەو ئینسانکوژەی مەخزەن لە نێو دەمی رۆژنامەنوسێکدا بەتاڵدەکات( ئاماژە بۆ دامداخستنی بە کۆمەڵ، بۆچاوپڕخوێنی زاڵم وچۆک پێدادان بەریزی رۆژنامەنوسان ورۆشنبیرانمان ، سامناکی مەرگ لەبەرامبەر هەر کەسێک کە سەردەشت ئاسا بێت(دکتۆر عەلا مەشذوب، چیرۆکنوس ونوسەری عێراقێ بەماوەیەکی کەم، پاش بلاوکردنەوەی ووتاڕیكی ڕەخنە ئامێز لەسەر ژیانی خومەینی لە پاداشتی ١٣ ساڵ مانەوەو داڵدەدانی لەلایەن عێراقەوە، لەدەمەوئێوارەی رۆژی ٢.٢.٢٠١٩ لەشاری کەربەڵا بە ١٣ گوللە تیرۆریان کرد، کە هیج پێویستی بە ١٣ گوللە نەبوو).

ئەو خۆنواندنە تەحەددایەکی زۆر قێزەونە وتاڵانکردنی کەرامەتی سەرجەم وتاک بەتاکی هەست وسۆزداری سەرەتایی ئینسانەکان وپێکەوە هەڵکردنە. زۆر نوسەری بەڕێز لەبارەی تیرۆری سەردەشتەوە نوسویانە، کە ئامانجی تیرۆرەکە، پەیامێکی ترسناکتری لە خودی تیرۆرەکە هەڵگرتووە. ئەو فەزایەی پەیامەکە لەزمانی تیرۆرەوە بە کۆمەڵگا وڕۆشنبیران وڕەخنەگرانی دەسەڵاتی پارتی دیموکراتی کوردستان نیازی خوڵقاندنی هەیە، مەودای دەپەڕێتەوە بۆ سەرتاپای ژیان.

تەنانەت بۆ خەونەکانیش.پرسیار لەسەر بونمان وەک مروڤی سادە، وەک خەڵکی ڕەشۆکی ونێو بازارو کاروژیان. وەک لاو، وەک رۆشنبیر، وەک ئەوەی هەناسەمان هەیە وبۆندەکەین وچاومان هەیە دەبینین وئارەزوومان هەیە ودەمانەوێت پیادەی بکەین . سەردەشت دەچێتە نێو ڕەگی ژیانمانەوە ئەگەر بمانەوێت وەک ئینسانێکی بە شکۆو وشیارو ئازاد بژیێن. دەسەڵاتی پارتی دیموکراتی کوردستان، ئەم جۆرە لە مرۆڤەکانی ناتوانێت لە سنوری خۆی ڕێگا بدات، (وەک لە نامەکانی سەردەشیتداهاتووە کە ئەبێت هەولێر جیب‌ێێڵیت) دەنا لە ناوی دەبەن، سەردەشت پێداگری دەکات لەمانەوەوخۆڕاگری و
نوسین لەسەر سەردەشت عوسمان، ئەرکێکی یەکجار یەکجار قورس وئەستەمە، چونکە ئەو هێڵیکی زۆر ڕۆشنی دیاریکرد، بۆ هەڵوێستی بەکردەوەیی رۆژنامەنوسیی شۆڕشگێڕانە. ئەو ئاگاداری ڕؤشنبیری جیهانی بوو، فەلسەفەی دەخوێندەوە، چاوی تا درەنگانی شەو بەدیار پیاوە گەورەکانی هزرو وهونەر وئەدەبەوە.دادەهات . تەمەنی تەنها ٢٣مۆم بوو. بەڵام هۆشیاری چینایەتی بۆ پێویستی گۆڕینی سەرتاپای دامەزراوە کانی دەسەڵات و پەیکەرەی هیرارکی کلتووری دیکتاتۆرییانەی کۆمەڵگای کوردستانی هەبوو.


نوسینەکانی بەرجەستەی پێداویستیە زۆر ناچارییەکانی شەقام بوو، کاتێک دەسەڵات باکی بە ئایندەی نەوەکانی، بە ماناوەی ئاسایی دانیشتوانی جوگرافیەکەی نەبێت، لانی کەم گوێەکی هەبێت بۆ بیستن، دەنا دەبێت بڕوات ، ئەو موستحیلی داوا نەکردووە، بەڵام ئەوەی داوای کردووە موستەحیلە لە عەقل ووێژدانی ئەم دەسەڵاتە بوەشێتەوە، دەمێکە ئەحمەدی شاملۆ وتویەتی (ڕۆشنبیرانی کۆمەڵگاکانی ڕۆژهەڵاتی ناوەڕست دەبێت کێوی موستەحیل کوناودیو کەن).


سەردەشت عوسمان ولایەنە سیاسیەکان


چەند سالێک لەمەوبەر پرسیارێک لەدامەزرێنەری سایتی ویلکس (ژولیان ئەسەنگ ، هەفتامەی دی تسایت ١٧.٤) دەکەن، لەسەر هەڵبژاردنەکانی ئەمەریکا و جیاوازییەکانی نێوان کۆمارییەکان ودیموکراتەکان، وەڵامی ئەسەنگ ئەوە دەبێت، وەک جیاوازی نێوان نەخۆشی مەلاریا وسیلە. لەڕوانگەی سەردەشت عوسمانەوە، جیاوازی نێوان یەکێتی وپارتی یش هەروایە. پارتێکی سیاسی (یەکێتی) ‌هێندە جەللادییەتی لەریزەکانی خۆیدا شاردبێتەوە، کە بەخوێنساردیەوە دەستبەرێت بۆ کوڕە تاقانەکەی دایکە لانەوازەکەی ولەبەرچاوی هاوژینە هاوچیرۆکە پڕ تراژیدیەکەی ڕزگاربووی جێنۆسایدی ئەنفال، بە تەنهاش لەسەرلێکۆلێنەوە رۆژنامەگەرییەکانی بەفاکت ودکیومنەت لە تێوەگلانی گەندەڵی بەرپرسە گەورەکانی، ئیدی چ کارەساتێکە بۆ ئینسانی وەک سەردەشت ڕوو لە سلێمانی بکات.

ئەو ئەندام ولایەنگری بزوتنەوەی گۆڕانیش نیە، لەو نامەیەی بۆ نەوشیروان موستەفاش کە بڵاوکراوەتەوە، بەڕوونی دەڵێت، من دەنگ بە ئێوە دەدەم، چونکە بونی ئێوە باشترە لە نەبونتان. من تەنها دەنگتان پێدەدەم و نەعرەتەو هاواری شەقامتان پێدەگەیەنم. ئێوە بەردەوام لەبەردەم زوومی ڕەخنەگرانەدا ڕادەگرم. ئەوەش لەبەرچاو بگیرێت کە بزوتنەوەی گۆڕان ئۆپۆزسیۆنێکی چالاک وکارای دەسەڵاتی ڕەهای حوکمڕانی ئەودەمی یەکێتی وپارتی بوو. بەڵام سەردەشت عوسمان خۆشباوەڕ نەبوو بە بزوتنەوەی گۆڕان. ئەو نەیهێشت پێگەی کۆمەڵایەتی ومەعنەوی خۆی بکرێتە سەرمایەی هەڵبژاردن ودەنگی جەماوەر بۆ کورسی پەرلەمان . بزوتنەوەی گۆڕانیش خۆیان ئەم ڕاستیەیان وەک خۆی ناسی ونەیانویست ونەیانهێشت ونایەنەوێت کەیسی سەردەشت وەک کەیسی بزوتنەوەی گۆڕان بناسرێت.


ڕێکخراوەی سەردەشت عوسمان بۆ ئازادی ڕۆژنامەگەری وخێزانە وریاو بەجەرگەکەی سەردەشت عوسمان
ڕێکخراوەی سەردەشت عوسمان بۆ ئازادی ڕۆژنامەگەری وخێزانەکەی، ڕۆڵێکی شایستەو گرنگی سیاسی ومێژوییان، لە هەراسانکردنی پارتی و دەسەڵاتدارانی هەولێردا بینیوە. ئەم کێشمەکێشە بەداخەوە هێشتا نەبۆتە تەوەرومەیدانێکی سەرەکی کۆمەڵگای کوردستان.


شەقام وخەڵک وئازادیخوازان وڕۆشنبیرانی شۆڕشگێر، زۆر بەداخەوە، بۆ بەرگرتن وپوچەڵکردنەوەی ئەم تیرۆرە نادیارو ئەم سیناریۆ سازییەئ دەسەڵات، ئامادەیی تەواویان نەبووە ونیانە. هەستەوەری کۆمەڵگا بۆ مافەکانی، پشتیوانی کۆمەڵگا لە ئەندام ولەخۆی وبەشداری کۆمەڵایەتی لە چالاکیە سیاسی وڕۆشنبیرییەکاندا پێویستی بەدەستپێشکەرییەکی گەورەتر لە خەباتی تاک وگروپە سەرکزوبچوکەکانی هەیە. کۆمەڵگای مەدەنیی، بەڕێکخراوە موزەیەفە مەدەنیەکانی ئێستای کوردستان لە ملهوڕیی ودەستدژێرییەکانی هێزە تاریکەکان ناپارێزرێت. ئەو شێوازانەی کە تا ئێستا گیراونەتە بەر بۆ دەستهەڵگرتن لە سەرکوتی سیاسی وتیرۆر هەڵسوڕاوانی ناڕازی بە دەسەڵات، جێدەستیان بە فراوان بونی سنورەکانی ئازادییەوە دیارە. پێمان وا نەبێت کە تیرۆریستەکان، کاردانەوە جەماوەرییەکان لەبەرچاوناگرن. بیریان لەو ئەگەرانە نەکردبێتەوە کە پێشبینی دەکریت وبەهەمان شێوە پلانی تۆکمەیان دانەنابێت بۆ پەککخستنی هەوڵەکانی جەماوەر لە دوایی کردەوە تیرۆریستیەکانیان.


پرسیارێکی زۆر قورسە ئەگەر بڵێین، ئایا نە دەکرا تیرۆری سەردەشت عوسمان ڕوو نەدات؟ بۆچی ئێمە ئەو فورسەتەمان پێدان کە ئەو مۆمە داگیرساوەمان لێبکوژێننەوە؟ ئایا نە دەکرا تیرۆریستەکان بوەستێنرێن ؟ پرسیارێکی قورستر، ئایندەی ئەم دۆسیەیە بە سەرجەم کایەکانی ئازادییەوە، بۆ کوێ هەنگاو دەنێت؟ سەردەشت عوسمان پەیوەندییەکی قوڵی بە شکۆو کەرامەتی هەمومانەوە هەیە. وەک خیزانەکەی دەڵێن ئەو ئیدی کوڕی کۆمەڵگایە.

Previous
Next
Kurdish