Skip to Content

دەبێت پەکەکە ئەم هەلە لەدەستنەدات پێش ئەوەی ئەردۆگان دژیان بەکاری بهێنێت … زاهیر باهیر

دەبێت پەکەکە ئەم هەلە لەدەستنەدات پێش ئەوەی ئەردۆگان دژیان بەکاری بهێنێت … زاهیر باهیر

Closed
by ئایار 8, 2019 General, Opinion



هەواڵی گەورەی ئەمڕۆی سۆشیالمیدیا چوونی پارێزەرەکانی ئۆجەلان بوو بۆ ئیمراڵی .
ئۆجەلان لە 27/07/2011 مافی دیتنی پارێزەر و هەڤاڵەکانی. هەواڵەکەی ئەمڕۆ، هەواڵێکی گرنگ و خۆشە هیچ نەبێت گیانی سەدەها کەس لە مانگرتوان کە بۆ ڕزگارکردنی ئۆجەلان لە دۆخی بەندکردنی تەنهاییە، بەردەوامە بۆ شکاندنی مامەڵەی نامرۆڤانەی دەوڵەتی فاشی تورکیا.
لەگەڵ ئەوەشدا کە هەواڵێکی گرنگ و باشە نە ئاهەنگێڕانی دەوێت و نە پیرۆزباییکردن لە خۆو نە شتێکی دیکە . بەڵکو ئەوەی کە گرنگە بەکارهێنانی ئەم دەرفەتەیە بە گەڕانەوەی بە قازنجی کوردانی باکور و تورکیا هەمووی . ئەوەی ئاشکرایە ئەردۆگان زیرەکترین و فڵێڵبازترین سیاسیی سەردەمە و کردنەوەی ئەم دەرگایەش لەسەر ئۆجەلان بۆ قازنجی خۆیەتی و نابێت پشت نە بە حکومەتی ئاکەپە و نە بە دامەزراوەی دەوڵەتی تورکیا، ببەسرێت، ئەوان نایانەوێت وا بە ئاسانی کێشەی کورد لابەلابکەنەوە.


ئەزموونەکان دەبێت فێریان کردبێتین کە ئەردۆگان زەروورە بەم وەرچەرخانە، گەر بزانێت شەر لە قازانجێتی ئەوە بەردەوامی پێدەدات . لە شەڕەکەیا توانی تەواوی ئەو بەرنامەی کە هەیبوو بیخاتە کار کە سەپاندنی شەڕ بوو بەسەر پەکەکەدا هەم بۆ وێرانکردنی زیاتری کوردستان و هەڵکەندنی دانیشتوانی و هێنانەوەی شارەوانییە ئازادەکان بوو بۆ ژێر دەسەڵاتی حکومەت و گرتنی زۆرێك لە ئەندامان و دۆستانی هەدەپە بە هاوسەرۆك ئەندام پەڕلەمنانتارەکانیشیانەوە و کوشنتی خەڵکانێکی زۆرو گرتنی گەلێکی تر و هاندانی ئەوروپا و ئەمریکا لە دەرنەهێنانی پەکەکە لە لیستی تیرۆریستان، پەکخستنی پرۆژەکانی دیکەی کورد لە باکور و .. . ئیدی شتێك نەما لە باکوردا کە ئەردۆگان و حکومەتەکەی بە گوێرەی پلانە داڕێژراوەکەی، نەیانکردبێت . ئێستاش بەم بڕیارە تازەیەی کە داوێتی شتێك نییە بەڵکو پێویستیێتی چونکە لە تەریكبوونی تەواودایە، ئەمەریکا و ئەوروپا بە هەڵوێستەکانی دڵخۆش نین و پەسەندی ناکەن، هێزی موعارەزە گەورەتر بوووەتەوە ، ئەستەنبول و ئەنقەرەی دۆڕاندووە، لە ڕوووی ئابووریەوە داکەوتووە، سیاسییەنیش خەریکە ڕوت و ڕەجاڵ دەبێت. لەبەر هەموو ئەمانە ئێستا پێویستی بەوە هەیە کە ڕێگا بدرێت کە ئۆجەلان ببینرێت و تا ڕادەیەکیش رەنگە بیەوێت فشەدانوسانێك لەتەك پەکەکەدا بکات، لەبەرئەوەی کە لە ئێستادا ئەمە لە قازانجێتی .


ئەی پەکەکە دەبێت چی بکات؟


پەکەکە دەبێت ئەم هەلە بقۆزێتەوە، هەموو جۆرەکانی شەڕ بوەستێنێت تەنانەت ئەگەر یەکلایەنانەش بێت و ئەردۆگان هیچ هەنگاوێکی زیاتر نەنێت . دەکرێت ئەم هەلە بۆ پەکەکە ببێتە دەسبەرداربوونی بزوتنەوەی چەکداری و گواستنەوەی خەباتی هەم بۆ قۆناخی خەباتی جەماوەریانە و هەم بۆ شار و شارۆچکەکان و هاوکاری و کاری هاوبەشیی لە تەك کرێکاران و زەحمەتکێشانی تورکیا و ئەو ڕێکخراوە سۆشیالیستیانەی کە لەوێ هەن بکات . پەکەکە دەبێت چی تر بیانوو بە ئاکەپە نەدات لە وێرانکردنی زیاتری کوردستانی باکور و کوشتن و بڕین و ماڵکاولکردن و گواستنەوە و هەروەها بۆمباردکردنی خۆیان لە قەندیل و ئەو بەشەی باشووریش.
ئیتر کاتی ئەوە هاتووە کە پەکەکە ئەوە تێبگات کە شەڕ ، شەڕو ماڵکاولیی و وێرانکاریی دەهێنێت و هەمیشەش بە قازانجی دەوڵەت و حکومەتەکەیی و چین و توێژاڵی باڵادەست و بە زەرەری کوردستان و کوردانی باکور و خەڵکانی هەژار و کرێکارانی تورکیا تەواو دەبێت و پێگەی ڕایسسیزم و فاشیزم بەهێز و بەهێزتر دەکات . ئیدی کاتی بای بایە لە بزوتنەوەی چەکداریی و سەرقاڵبوون بە کارو خەباتی جەماوەریی و چالاکی جەماوەریانەوە و کارکردنی جددی لەسەر پرۆژەی دیمۆکراتیکی کۆنفیدراڵیزم و پرۆژەی خۆسەریی و پرسی هاوسانی جێندەیی و کێشەی ئیکۆلۆجی.


Zaherbaher.com

زاهیر باهیر – لەندەن
06/05/2019

Previous
Next
Kurdish