Skip to Content

شارێك  لە دوکەڵ … نەجم حەمە سەید

شارێك لە دوکەڵ … نەجم حەمە سەید

Closed
by ئایار 10, 2019 General, Poems


سلێمانی شەیتانێکە
فریوت دەدا و
رسوات دەکا
دەبێ هەر لە دوورەوە
بە ددانە زەردەکانی
پێبکەنی
بە بریقوباقی
چەرخوفەلەکی پێبکەنی
ئەگینا شێتت ئەکاو
سوێندیش ئەخوا
ئەڵێ من نەبووم
خەتای خۆت بوو
بۆ وەكو شەلاتیەکانم
دنیات بە فشقیات نەگرت
سلێمانی
سۆزانییەکی ناپاکە
هەر شەوەو لە ئامێزی
سوڵتانێکا رۆژ دەکاتەوە
بە رۆژیش
درەختەکانی سەیوان
ئاو ئەدا
سوێند بەخوێنی
خاکنشینەکانی ناوی دەخواو
خۆشی چاڵیان بۆ لێدەدا
ئاوهایە سلێمانی
کە بەناویشی تێپەڕیت
دەستت بە دڵتەوە بگرە
نەکا لە جێی خۆی
بترازێ
هاوڕێیەکی بێ وەفایەو
کەس ناناسێ
سلیمانی
هەتیوێكی
بێ خودان بوو
هەر زووش پیربوو

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish