Skip to Content

تكایه‌ ئه‌و شانۆگه‌رییه‌ راگرن …. ئه‌حمه‌د ره‌جه‌ب

تكایه‌ ئه‌و شانۆگه‌رییه‌ راگرن …. ئه‌حمه‌د ره‌جه‌ب

Closed
by ئایار 10, 2019 General


ئه‌مرۆ 8/5/2019 پرۆژە یاسای سەرۆكایەتی هەرێمی كوردستان لە پەرلەمان به‌ زۆرترین ده‌نگ په‌سه‌ند كراو ناوه‌كه‌شی گۆرا بۆ ( دامه‌زراوه‌ی سه‌رۆكایه‌تی هه‌رێمی كوردستان ) و هه‌روا ماده‌كانی یه‌ك و دوو سێ و چوارو پێنج به‌ ده‌ستكارییه‌وه‌و به‌ ده‌نگی 88 و 89 ی په‌رله‌مانتاران په‌سه‌ند كران و ماده‌كانی تر : شه‌ش و حه‌وت و هه‌شت به‌بێ ده‌ستكاری و به‌ زۆرینه‌ی ده‌نگ په‌سه‌ند كران.
دیاره‌ سێ حزبه‌كه‌ : پارتی و یه‌كێتی و گۆران له‌ پاش گفتوگۆو هاتوچۆیه‌كی حه‌وت مانگ و، شاند هات و شاند چوو، كۆكن له‌ سه‌ر پێكهێنانی حكومه‌ت و، ئه‌وه‌ی سه‌یره‌و وه‌ك له‌ ده‌نگدانی په‌رله‌مانتارانی په‌رله‌مانی كوردستان ده‌ركه‌وت، ئه‌م سێ حزبه‌ كۆپی پێنج حزبه‌كه‌ی حكومه‌تی بنكه ‌فراوانه‌كه‌ی پێشوون كه‌ له‌ نیوه‌ی رێی و له‌ كۆتاییدا زانیان بارودۆخه‌كه‌ به‌ره‌و نشوستی و هه‌ڵدێر ئه‌روات و قه‌یرانه‌كان ته‌شه‌نه‌ ئه‌كه‌ن و بی مووچه‌یی به‌رۆكی هاووڵاتیانی گرتووه‌، یه‌ك له‌ دووای یه‌ك به‌ خشكه‌یی كشانه‌وه‌و، ته‌نها پارتی و یه‌كێتی مانه‌وه.
له‌ ژماردنی ده‌نگه‌كانی په‌رله‌مانتاران و، په‌سه‌ندكردنی پرۆژه‌ی كاراكردنه‌وه‌ی سه‌رۆكایه‌تی هه‌رێم و، هه‌روا په‌سه‌ندكردنی ماده‌كانی یه‌ك تا هه‌شت به‌ 88 ده‌نگ كۆتایی هات و، ئه‌و 88 ده‌نگه‌ هی پارتی و یه‌كێتی و گۆران و پێكهاته‌كانی تر سه‌ر به‌ پارتین.
په‌رله‌مانی كوردستان ده‌ستپێشخه‌ری رووه‌و دیموكراتییه‌ت ئه‌كات و، هه‌نگاوی جوان ئه‌نێت و، ئه‌ڵێت ده‌رگا واڵایه‌ بۆ خۆپاڵاوتن بۆ سه‌رۆكی هه‌رێم و، شانۆگه‌رییه‌كه‌ لێره‌وه‌ ده‌ستپێئه‌كات و كتوپر ته‌واو ئه‌بێت چونكه‌ له‌ پاش هه‌ڵبژاردنه‌كه‌ی 30 ئه‌یلول / سیپته‌مبه‌ری 2018 پارتی دوور له‌ دیموكراتییه‌ت نێچیرڤان بارزانی بۆ ئه‌و سه‌رۆكایه‌تییه‌ ده‌ستنیشان كردووه‌ و، ئه‌مرۆ كه‌س ئه‌و پۆسته‌ی ناوێت و، سور ئه‌زانێت 88 ده‌نگ یان زیاتر له‌ گه‌ڵ نێچیرڤانه‌.
په‌رله‌مان له‌ باتی داكۆكیكردن له‌ خواست و ئاره‌زووی هاوڵاتیان، هه‌نگاوی سێنگ ده‌رپه‌راندن و موزایده‌ ئه‌نوێنێت و، به‌و جۆره‌ ره‌فتارانه‌ خوڵ ئه‌كه‌نه‌ چاوی خه‌ڵك و، بۆیه‌ پێویسته‌ ئه‌و شانۆگه‌رییه‌ راگرن و، یاری به‌ عه‌قڵی هاوڵاتیان نه‌كه‌ن.
له‌ وڵاتانی پێشكه‌وتوو فرت و فێڵ نییه‌و، هیچ پارتێك { گه‌وره‌ یان بچوك} بێت، بۆێ نییه‌ كاندید فه‌رز بكات و، به‌ پێی ده‌نگه‌كان كه‌سانی لێهاتوو شیاو له‌ ناو په‌رله‌مان بۆ پۆسته‌كان هه‌ڵئه‌بژێرن و، وه‌ك لای خۆمان شاند هات و شاند چوو نییه‌و، پارته‌كان به‌ پێ ده‌ستور هه‌ڵسوكه‌وت ئه‌كه‌ن و، لای خۆمان ده‌ستور نییه‌و ، هه‌ره‌مه‌كی و به‌ تۆبزی خه‌ڵك ( به‌ توانا بێت یان بێ توانا) دائه‌نێن و، گرنك ئه‌وه‌یه‌ سه‌ر به‌ حزب بێت.
له‌ كوردستان ده‌ستور نییه و، ئه‌و بێ ده‌ستورییه‌ له‌ خزمه‌تی سه‌رۆكی هه‌رێم ئه‌بێت و، دیاره‌ نیچیرڤان بارزانی وه‌ك مه‌سعود بارزانی خاوه‌نی ده‌سه‌ڵاتێكی زۆره‌و، په‌رله‌مان بوێ نییه‌ لێپرسینه‌وه‌ی له‌ گه‌ڵدا بكات و، ئه‌م هه‌موو ده‌سه‌ڵاتانه‌ ئه‌بنه‌ هۆێ ئاژاوه‌و په‌شێوی له‌ نێوان سه‌رۆكی هه‌رێم و سه‌رۆكی حكومه‌ت و، شاراوه‌ نییه‌ دوو به‌ره‌كی له‌ نێوان نیچیرڤان و مه‌سرور هه‌یه‌و، به‌ سه‌ر دوو باڵدا دابه‌ش بوون.
سه‌رۆكی هه‌رێم دوو جێگری ئه‌بێت و، كه‌س نازانێت جێگری چین‌؟ و. له‌و حاڵه‌ته‌دا (بۆ نموونه‌) گه‌ر سه‌رۆك بچێته‌ ده‌ره‌وه‌ی هه‌رێم جێگره‌كان ئاره‌زوومه‌ندانه‌ كاروبار رائه‌په‌رێنن.
ساڵانی پێشوو هه‌موو لایه‌ك داوای ئه‌كرد سیستێمه‌كه‌ په‌رله‌مانی بێت به‌ڵام سه‌رۆكی پێشوو ئه‌یزانی ده‌نگی زۆرینه‌ی په‌رله‌مانتاران له‌ گه‌ڵی نابێت، بۆیه‌ به‌وه‌ قایل نه‌بوو، ئێستا ئه‌زانێت ده‌نگی زۆرینه‌ی په‌رله‌مانتاران هی خۆیانه‌ رازین “”سیستێمه‌كه‌ په‌رله‌مانی”” بێت، به‌ڵی ده‌ركه‌وت 88 یان 89 ده‌نگ بۆ راسپارده‌كانی پارتی مسۆگه‌ره‌ !.
با چاوه‌روان بین و، بزانین چی رووئه‌دات!.


8/5/2019.

Previous
Next
Kurdish