Skip to Content

152 Views

ماچم کە … شیعر : حیدر رقابی … وەرگێڕانی : پشکۆ ناکام

ماچم کە … شیعر : حیدر رقابی … وەرگێڕانی : پشکۆ ناکام

Be First!
by May 22, 2019 General, Poems
image_print


” مرا ببوس “


ئاهەنگ : مجید وفادار
گۆرانی : حسن گلنراقی(1)

“”””””””””

ماچم کە..ماچم کە
بۆدوا جار…ماچم کە
كە ڕوەو چارەنووس ئەڕۆم
خودا ئاگادارت بێ
بەهاری ئێمە تێپەڕی
بوو بە ڕابردوو
من لە گەڕان بە دوای چارەنووسا
لە نێو تۆفانەکانا
متمانەم یاوە بە کەشتیوانەکان
گەر “گیان” یشم جێ بهێڵم
ئەبێ تۆفانەکان تێپەڕێنم
بە نیوە شەو
پەیمانم هەیەلەگەڵ یارم
كە لە چیاکان
ئاگری بۆ خۆش کەم
شەوی تارە ، سەفەر ئەکەم
ڕێگە باریکە سامناکەکان تێئەپەڕێنم
تۆ : ئەی گوڵی من
بۆ من ، شیوەنی غەم مەگێڕە
ئەمشەو ، میوانی تۆم ..کچی جوان
لە لاتم ، تا لێو بنێیتە سەر لێوم
كچی جوان :
لە تیشکی نیگای تۆ
فرمێسکی بێ گوناهی تۆ
ئەمشەوی من ڕۆشن بوو
لەگەڵ سپێدەیا ، ئەستێرە مرد
بە وێنا کردنی یەک ئیشارەت
چاوی لێک نا
لە نێو ئاوریشما ئاسوودە لە خەوا بوو
لە دوا نیگایا
نیگای بێ گوناهی تۆ
ئاهەنگی دوا گۆرانی بوو
ببینەکە لێرە بەدوا
دڵم وا لە ڕێگایەکی ترا
بە ڕێگایەکی تر
جەنجاڵیەکی تر وا لە سەرما
بە کازیوەی ڕۆشن
دەست بەرداری ئەو دڵە ئەبم
كە سەردەمی خوێناوی
بە کازیوەی ڕۆشنتر ، وا لەبەر دەمما
ماچم کە
ئەم ماچی ماڵ ئاواییە
بۆنی خوێنی لێ یەت
……………….

وەرگێڕانی : پشکۆ ناکام
MAY / 2019

(1)= لە حکایەتی ئەم گۆرانیە وا باس ئەکرێ کە یەکەم جار ساڵی 1335/ی ئێرانی لە فیلمێکا بە ناوی” اتهام – تاوانبار کردن ” خانمە گۆرانی بێژ
” پوران ” بریار وابوە بیڵێ ، بەڵام دواتر جێبەجێ نەبوە و دوای کودەتای مرداد (گەلاوێژ)، ” حسن گلنراقی” ووتویەتی واش باس ئەکرێت کە هیچ بەستنەوەیەکی نیە بەوەی ئەووترێت گوایە ئەفسەرێک شەوی پێش ئیعدام کردنی بۆ کچەکەی نووسی بێ…..

Previous
Next

Leave a Reply