Skip to Content

120 Views

دوو هۆنراوە بۆ مناڵان … عه‌لی حه‌مه‌ڕه‌شید به‌رزنجی

دوو هۆنراوە بۆ مناڵان … عه‌لی حه‌مه‌ڕه‌شید به‌رزنجی

Be First!
image_print

دارتـــــوو

مــــنم نـــاوم دار تــــــــووه‌
ســـه‌یری چـــه‌ند(توو)م گــرتووه‌
بــــۆ ئێوه‌ منــــــــــــداڵینه‌
خــــواردنم زۆر شـــــــیرینه‌
كــــــاتێ به‌ردم تێ ئه‌گــرن
ئــــــازارم پێ ئه‌گـــــــا من
بــه‌ڵام خـــــۆ له‌ تاو ئازار
تــووی زۆر هه‌ڵئه‌ده‌مه‌ خوار
هه‌تا ئێوه‌ لێی بخــــــــۆن
ده‌ورم چۆڵ بكـــــــه‌ن بڕۆن
له‌گه‌ڵ توو ئامــــــۆژگاری
پێشكه‌ش ده‌كــه‌م به‌ دیاری
چونكه‌ گفتوگۆی شـــــــیرین
ســه‌ركه‌وتووت ئه‌كا له‌ ژین
مــن ئازارم پێگــــــــــه‌یی
بوڵام زۆر به‌ شــــــــێنه‌یی
به‌ تووی به‌تام و شــــیرین
ئێوه‌م خسته‌ پێكـــــــه‌نین


گۆرانی یه‌ك بۆ مانگ

شه‌وێك دنیا تاریك بـــــوو
كۆبووبووینه‌وه‌ هــــــه‌موو
راوه‌ستا بووین له‌ســـه‌ر بان
ئه‌مانڕوانی بۆ ئاســـــمان
دوای كه‌مێك چــــاوه‌ڕوانی
بۆی كه‌وتینه‌ گـــــۆرانی
به‌ ده‌نگی به‌رز پێكــــه‌وه‌
ئا به‌و تاریكــــــه‌ شه‌وه‌
گۆرانیمــــان بۆ مانگ بوو
به‌ڵكو ده‌ربكـــــه‌وێت زوو
كه‌چی مانگ زوو هه‌ڵنه‌هات
یاریمان له‌گه‌ڵ بكـــــات
ئێمه‌ش بــه‌ چــــاوه‌ڕوانی
له‌یه‌كترمــــــان ده‌ڕوانی
له‌پڕ هات به‌ شـــه‌وقه‌وه‌
دنیای روناك كـــــرده‌وه‌
ئیتر كه‌وتینه‌ یـــــــاری
خه‌نده‌ له‌ لێومان بـــاری
*** 1/4/2012

عه‌لی حه‌مه‌ڕه‌شید به‌رزنجی

Previous
Next

Leave a Reply