Skip to Content

153 Views

هـــایــکۆ … سمکۆ ئەحمەد رەشید

هـــایــکۆ … سمکۆ ئەحمەد رەشید

Be First!
by June 13, 2019 General, Poems
image_print

۱
،لە گیرفانی تەمەن کەوت
بوو بەردی حەسرەتی دڵ ـ
.مندالیی
۲
،گڕکانی زەمینی عومرە
فووی زەمەن دایدەمرکێنێ ـ
. گەنجیی
۳
، ‌شەقام نییە
دەریای رەشە راکشاوە ـ
.راڤەی پیریی
٤
،شوێن پێی ـ با ـ ی هەڵگرت
گەییە سێبەری مەزاری پرچت ـ
.پەنجەی خەیاڵم
٥
،رەفەی برسێتی
تەپ و تۆزی پەشیمانی ـ
. کتێبی بوون
٦
،لە ناو ئاپۆڕەی ماتەمبارانا
بە چاوەکانیا دەیناسمەوە ـ
. دایکی شــــــــەهیــــد
۷
،نیشتیمانی من
ترۆپکی دادپەروەرییەـ
.سەرەی ئاودەستی مزگەوتەکان
٨
،بە یەک پشت
بە یەکتری دەگەنەوە ـ
.مرۆڤ و مێشوولە
۹
،بۆنی هەناوی مرۆڤی بۆ چوو
هێڵنجیدا ، رشایەوە ـ
.زێراب
۱۰
،سەرابی تەمەن
هەموو رۆژێک دەیبینم ـ
.خەونی فڕیــن
۱۱
،لە قاروون دەوڵەمەند ترم
سەرڕێژە لە هەناسەی سارد ـ
.گەنجینەکەم
۱۲
،دەسڕێژی خۆرەتاو
دیواری تاریکی دەبڕێت ـ
.سروودێکی سەر باڵ سپی
۱۳
،پێڵاوەکان بە ڕەنگی سوور
ژیان بە رەش بۆیە دەکات ـ
.کیژۆڵەیەکی بۆیاغچی
۱٤
،تەپۆڵکەیەکی لمینە ئەڤرێست
بەژنی شکۆی بەرزترەـ
.شەهیدی خاک

Previous
Next

Leave a Reply