Skip to Content

734 Views

دوکەڵی جەنگ … جەلال عەبدوڵا ساڵح

دوکەڵی جەنگ … جەلال عەبدوڵا ساڵح

Be First!
by November 19, 2016 General, Poems
image_print

لە بەرهەیوانی ماڵی باپیرم
چای ژیانم دەخواردەوە
جەنگ لە دەرگای شاریدا
تەنها هاوڕێیەکم مابوو
لە کاروانی ئەنفال گەڕابوەوە
جەنگ لەگەڵ خۆی بردی
بۆ سبەینێ
لەگەڵ گۆرانی دوانیوەڕۆدا
تەرمەکەی فڕێدایە
ناو کەلاوەی مێژوومەوە

من سەرقاڵی شکاندنی
قەفەزی باڵندەکان بووم
گوێم گرتبوو
لە سکاڵای کانی
لە گۆرانی قومری
جەنگ لە دەرگای شاریدا
بارەگای دینی کردەوە
پێشەوای مەزهەبەکانی
کرد بە کۆمۆنیست
مەیفرۆشەکان بە ئاخون
سەعات فرۆشەکان بە سەرکردە
شاعیرەکان بە جەلادی مێژوو
دارستان بە کەلاوە
ژێر زەمین
بە شوێنی سەما و خواردنەوە

من لە جەنگ هەڵهاتم
ڕوم کردە ماڵی ئاو
تەنیایم خستە سەر شانم
غەریبی بە هاوڕێی سەفەر
چ کارەساتێ ڕویتێکردم
دو ئۆقیانوس دەبڕم
بۆنی دوکەڵی
جەنگ دەکەم

جەلال عەبدوڵا ساڵح

Previous
Next

Leave a Reply