Skip to Content

80 Views

ژیانی مامۆستا کامیل یەک ریگەی لەبەردەمدا ماوە!  … ریبوار عارف

ژیانی مامۆستا کامیل یەک ریگەی لەبەردەمدا ماوە! … ریبوار عارف

Be First!
by July 2, 2019 General
image_print


بەهادین جاجی بەکری دارتاش ناسراو بە ریبوار عارف

مامۆستا کامیل ( م _ ک) ئەو کەسایەتیە کە ئەمرۆ بە سیمبولی کارەساتی کیمیابارانی هەلەبجە دەناسیریتەوە. ئاپورەی راپۆرت و بەدواچوونەکانی ئەم رۆژانە لەسەر بارودۆخی ئەم ئنیسانە رەنگە قسەیەک بۆ کردن نەهیشتبیتەوە بۆ ناسینی حالەتەکەی ، بەلام پرسیار ئەوەیە کە ئایا ژیان و چارەنووسی ئەم ئینسانە روو لە کوی دەکات؟ وەک دەڵین هه‌موو ساتێکی هه‌ناسه‌دان مامۆستا کامیل بریارده‌ره‌ بۆ مانه‌وه‌ی له‌ژیانیدا. بەلام ئەی ئەگەر مەترسیەکان رۆژ بەرۆژ زیاتر بوو تا کەی دەکریت ئیمە رۆژمیرو شوکرانە ژمیری ئەم دۆخە نەخوازراوە بین؟!
ئیستە رۆشنە کەسەرئەنجام دکتۆرەکانی ئەلمان بەکۆمەلیک مەرجەوە بریای ئەوەیاندا کە نه‌شته‌رگه‌ریەکە بۆ بکه‌ن… لەحاتلیکدا کە ئەم ئینسانە رۆژانە پیویستی بەکەسیکە بۆ هاوکاری کردن وپاراستنی له‌ هه‌مو ڤایرۆسێک وهاوکات مەرجیکی تری فیربوونی زمانە … ئەوەی کە ( م _ ک) تائیستە له‌ رێگه‌ی تۆری کۆمه‌لایتیه‌کانه‌وه‌‌ له‌ رێگه‌ی کۆمه‌لی که‌سایه‌تی نزیه‌ک و به‌رپرسانی حکومه‌تی هه‌رێم و عێراقەوە ئەنجامیداوە هیچ ئومیدیک ناهیلیتەوە بۆ ئاورلیدانەوە. وەک خۆی دەلیت: ماوه‌ی ٣٢ ساله‌ من سالانه‌ ٣٢ جار ده‌خنکێرێم..‌. تۆ بلی پاش ئەم دەریای وادەو بەلینیانە هیشتا هیوایەک مابیت بۆ ئاورلیدانەوەی دەسەلات بۆ ریگرتن لەمەرگی ئەم سیمبولەی شاری هەلەبجە؟؟؟
ئەگەر تیپەربوونی 30 سال و لەدەستدانی هەموو خوشک وبراو دایک و باوکی نغرۆبوونی خیزان و مندالەکانی لە عەزاب و ناسۆری دۆخی تەندروستی و دەرونی باوکیاندا کافی نەبووبیت بۆ وەدەنگ هاتنی دەسەلات و ئەنجامدانی کاریکی شایستە، ئیتر هیچ شتیکی تر کافی نیە. دەزانم سەرباری هەموو ئەم راستیانە هیشتا بەناچار زۆربەی هەرە زۆرمان سەرنجمان دەچیتەوە سەرئەوەی کە ئایا ئەم حکومەت و دەسەلاتە بۆ ئەوەندە خەمساردو بی باکە لەبەرامبەر بە هاولاتیانی خۆیدا… بەلام لیتان ناشارمەوە من زۆر دەمیکەیە لەو خۆشخەیالیە دەرباز بووم و ئەمەم بەرۆشنی بە مامۆستا کامیلیش راگەیاندوە کە ئەو رەنگە بەناچار تا ئیستەش هەر هیوایەکی بە دەرکەوتنی تروسکاییەک مابیت لەلایەن ئەم دەسەلاتەوە، بەلام لە چاوەروان مانەوەی زیاتر لە سی سالی ئەم ئینسانە کافیە بۆ ئەوەی کە ئیتر دلخۆشنەکەین بەم خۆشخەیالیە، هیوادارم من هەلەبم و ئەم دەسەلاتە کاروباری پیویست بۆ ( م _ ک) و خیزانەکەی ئەنجام بداتو ریگری لە مەرگی ئەم ئنیسانە بگریت..بەلام کاتیک کە من ئومیدیکم بەو ئەگەرانە نیە ئیتر ناکرێ پال بدەین بەهەمان دیواری داروخای بی بەرهەمەوە بۆ دەرباز کردنی ئەم ئینسانە لە دیوزمەی مەرگ، بۆیە پیموایە هیشتا تروسکەی هیوایەک بەدیدەکریت ئەگەر غەمخوارانی ئەم کەیسەو هەر ئنیسانیکی ئازادیخوازو بەتەنگەوەچووی قوربانیای شاری هەلەبجە بینەمەیدان .
بۆ من بی ئومیدم بەکارو بریاریکی لیبروانەی حکومەتی هەریم ؟!
هەقیقەت ئەوەیە کە بارودخۆی ئەم کۆمەلگای وایلیهاتووە کە هەموو جوانی و ئەخلاقیاتیک بە توونیلی بەرژوەندیەکانیاندا دەگوزریت، مرۆڤ واهەستناکات کەئیتر شتیک ماییتەوە بۆ باسکردن، کاتیک کە پاش تیپەربوونی زیاتر لە 30سال بەسەر کارەساتی کیمیابارانی ئەم شارەدا تیپەردەبیت، هیشتا بەشیک لە خەلکی ئەم شارەو دەیان کامیلی تر رەنج دەبەن بۆ هەلکیشانی هەناسەیەکی ئاسای ئیتر ناکریت چاوەروانیەکی زیاتر لەوەی کە هەیە بکریت لەم حزب و دەسەلات و کاربەدەستانە… سەرنج بدەن رۆژگاریک گەنجانی ئەم شارە بوونە قارەمانی زیندان و هیلکەی لە رۆنی سورەوکراو بە بنبالیان دەشکاند، کەچی لەپاداشتی ئەو راوەستانەوە سەروەریەدا ئەمرۆ بەدوای دواین هەناسەکانی (ئایاری مەلا حەسەن)ەوە جۆشداماوین، ئەوانیش سوویند بە رۆحی ئەو شەهیدانەی دوینی دەخۆن کە ئەمرۆیان دروستکرد، بۆیە ئیتر ناکریت هیچ چاوەروانیەکی زیاترمان هەبیت. کاتیک ’’ژمارە یەکی’’ سەیارەی پاریزگای هەلەبجە دەخریتە مەزاتخانەو پیشبرکیوەو کی چەند ملیونیکی زیاتریدا ئەوا خەلاتی ئەوی بکەن، چونکە گوایە بە پارەکەی رەنگە دوو پرۆژە بۆ ئەم شارە بکەنەوە ئیتر نابیت چاوەروانیەکی زیاتر بکریت… مەگەر وشیار بیاویلەی لەماوەی دەسەلاتداریەتی ئەواندا بەنرخی گیان لەدەستدانی چەندین ئەزیزی خۆی و برینەوەی هەردوو قاچی بە ئەندازەی هەموو دەسەلاتەکەی ئەوان و تەواوی ئەو پرۆژانەی کە لە کوردستاندا بۆ مین هەلگرتنەوە کاردەکەن گەلیک زیاتر مینی دەرنەهینناوەو ئەمنیەت و ئاسایشی بۆ پانتایەکی گەورە لە خاکی کوردستان و دانیشتوانی خەلکی ئەم ناوچەیە نەگیراوەتەوە، کەواتە ئەگەر بەهاو قوربانیدان و ماندوبوونی ئینسانەکان پیوانە بیت بۆ دەبیت ئەو ژمارە وەک ئاوردانەوەیەکی رۆحی و ریزلینانیک بۆ قوربانیەکی وەک ئەو نەبیت، بۆدەبیت کە مامۆستا کامیل پاش زیاتر لە 30 سال هیشتا لەو دۆخەدا رەنج بەریت نەک هەر بەتەنیا بۆ هەلمژینی هەناسەیەک بەلکو بۆ لە ئامیزگرتنی مندالەکانیشی ….
کەواتەدەکری دەستبەجی چی بکەین؟
شەرمە بۆ کەسیکی وەک من گەر بلیم مامۆستا کامیل بەداخەوە لەدواین رۆژگارەکانی خۆیدا بەسەردەبات، کەچی چاوەروانی روودانی کارەساتەکەبین.. رەنگە ئەزموونی زیاتر لە چارەکە سەدەیەک کارکردنم لەبواری مافی پەنابەری و یاساوریساکانی وەرگرتنی ئەو مافەدا، ئەو هەقەم پیبدات کەشتیکی زیاتر بلیم لەمبارەوە… بۆیە بەگرنگم زانی لەم دەرفەتە بەرتەسکەدا روو لە هەموو ئەو ئنیسانانە بکەم کە بەکردەوە دەیانەویت ( م _ ک) لەمەترسی مەرگ رزگار بکەین
بۆئەوەی لە ئاستیکی بالاتردا هەولیکی تر بگەربخەین کە پیموایە بتوانیت ئاراستەی دۆخەکەو ئایندەی ژیان و چارەنووسی ( م _ ک) بگوریت. بۆئەوەی کە خراپ حالی بوونیک نەیەتە پیشەوە بەگرنگی دەزانم کە هەولەکانی ئەم دوایانەی ریکخراوی قوربانیانی کیمیابارانی هەلەبجە بەهەند وەرگرین، بەلام بەبروای من بۆ وەلامدانەوە بەنیازەکانی ( م _ ک) کافی نیە. ئەوان دەکریت و دەبیت لەهەر هەولیکی خۆیان بەردەوامبن، بەلام تا چنینیەوەی بەرهەمی کارەکانی ئەوان دەترسم هەموو شتیک لە دەست بدەین. ئاخەر ئەوان بەناچار هەر خەریکن فشار بۆ دەسەلات بهینن، بەلام لە راستیدا سەرباری ئەوەی کە پاش نزیک بە چارەکە سەدەیەک چاوەروانیمان لەم حزب و حکومەت و دەسەلاتە، ئیستە دەکریت ئاراستەی کارەکانمان بگورین وجاریکتر روو لەم ولاتە بکەین کە مامۆستا کامیل داوای چارەسەرکردنی تیداکردوە.
بەدلنیای زۆریکمان دەزانین کە بەدەستهینانی مافی پەنابەری ریگەو رەوشتی خۆی هەیە سالانە لەو ئەلەمانەی کە( م _ ک) لیە دەیان و سەدان هەزار ئینسان مافی پەنابەری بەدەست دینن ، بەلام لە ریگەی هەندی یاساوریساو لە ریگەی گوشاری هەندی حزب وریکخراو کەسایەتی ئینساندۆستەوەو لە ریگەی جولانی شەقام و راوەستانەوە دەنگ هەلبرینەوەو دواجار لە ریگەی ئەو پرۆتۆکول و ریکەوتنامانەی کە ئەم حکومەتانە خۆیان واژۆیان کردوە. کە من لیرەدا سەرنجتان بۆ چەند خالیک رادەیشم .
یەکەم لە ئیستەدا کە ( م _ ک) ئیقامەیەکی مەرجداری بەدەستهیناوە مافی ئەوەی هەیە کە یاسای یەکگرتنەوەی خیزان’’ جمع شمل’’ خوازیاری هینانی خیزانەکەی بیت. ئەمە جگە لەوەی کە بەپی پۆرۆتۆکولە نیونەتەوەیەکان حالەتی بەدەستهینانی مافی پنابەری بەهۆی حالەتی ئینساندۆستانەوە ’’ هومانیتارینن’’وە بەدەست بهیریت، کە دەتوانیت حالەکەی ( م _ ک) لەهەمان چوارچیوەدا بگونجیریت .
هەر لیرەدا زۆر گرنگە ئەوە بلین کە دیارە دەست بەکاربوون بۆ ئەم مەسەلە بەتەنیا ناتوانیت لە زەمنیکی گۆنجاودا ئەنجامگیری لبکریت. بۆیە دەبیت چەند کاریکی تر بکریت. کە ئەویش جاریکیتر بەپی یاساوریساکانی ئەم ولاتانە هەر بابەت ومەسەلەیەک و هەر دواکاریەکی خەلک ئەگەر بتوانریت 50 هەزار واژۆی بۆ کۆبکریتەوە ئەوا لە رووی یاساییەوە چاو بەو برایاردە جەخشننەوەو بریاریکی تر دەدەن .
بە تایبەت ئەگەربیتوو ئەم کارە لەچوارچیوەی کەمپەینیکدا ئەنجام بدریت، کە ئیمە وەک فیدارسیۆنی سەراسەری پەنابەرانی عیراق ئامادەی دەست بەکاربوونین و دەتوانین بەخیرایەکی زۆر زیاتر کارەکانی بەریوە بەرین و راستەوخۆی رووبکەینە حکومەتی ئەلمان لە ریگەی ریکخراو نیودەولەتیەکانی وەک دکتۆرە بی سنورەکان، خاجی سوور، یوئین، ریکخراو ئنساندۆستەکانەوە ئەم کارە ئەنجامیکی سەرکەوتوانە بگەیەنین. لەبیرمان نەچیت لەجەرگەی ئەم دەست بەکاربوونەدا زۆرگرنگە سەرنجی میدیاکانی ئەلمان راکیشین بۆ پشگیری کردن لەم کەیسە.
دواجار ئەوەش بلیم کە ئیمە چەند جاریک لەگەل ( م _ ک) لەوبارەوە قسەوباسمان کردوەو بەلام ئەو بەهۆی هەندیک سەرنجی تایبەتی خۆیەوە خوازیاری دەست راگرتن و دواخستنی ئەم جۆرە چالاکیەبووە، من لە سونگەی بەرپرسیاریەتیەوە نەموویست ئەم باسانە تەنیا لە نیوان من و مامۆستا کامیلدا بمینیتەوە بۆیە هیوادارم کە پیشوازی ئازادیخوازان لەم پیشنیارە بتوانیت بە زووی بمانگەیەنیت بە خالی دەست بەکاربوون بەهیوای نزیککردنەوەی مامۆستا کامیل لە ژیانیکی ئینسانی وبەدەستهینانی مافی پەنابەری بەبی هیچ مەرجدانان و ئاستەنگیەک لە رووی چارەسەرکردنی نەخۆشەیەکەیداو ئەم دەروازیە ئەو ئومیدەیە کە ژیانی مامۆستا کامیل دەگەرینیتەوە بۆ باوەشی هیوایەک، هیوادارم لە ئاست ئەو بەرپرسیاریەتیەدبین بۆ بەتەنگەوەچوونی ژیانی ئەم ئنیسانە!

Previous
Next

Leave a Reply