Skip to Content

68 Views

2 شیعر له‌ (م. ئومێد)ـه‌‌وه‌ … و: نه‌ژاد عزیز سورمێ

2 شیعر له‌ (م. ئومێد)ـه‌‌وه‌ … و: نه‌ژاد عزیز سورمێ

Be First!
by July 8, 2019 General, Poems
image_print

(1)
خه‌م

نه‌ چرای چاوی پیره‌گورگ
نه‌ هه‌ناسه‌ی نامۆی گومڕاو ماندوو ..
جێماو له‌ ده‌شتی خامۆش و بێپایانی
به‌ر بارانێك
چه‌ند سه‌عاته‌
به‌سه‌ر ئه‌م شه‌وه‌ شێت و خه‌مناكه‌دا دێته‌ خوارێ
دڵی شه‌ویش ده‌شت ئاسا په‌ژمورده‌یه‌ ..

له‌ شه‌وی دێوانه‌و خه‌مناك
به‌ هه‌موو لایێ
وه‌ك په‌رده‌یه‌كی زنجیربه‌ند
بسكه‌ تاڤگه‌ هه‌ڵواسراون ..
جێماوی ده‌شتی بێپایان
له‌به‌ر باران ..

ئای … سه‌عاته‌هایه‌
ئه‌م هه‌وره‌ ڕه‌شه‌ دڵگیره ‌،
بێ هه‌ست و خوست ده‌پرووشێنێ ..
نه‌ ده‌نگی سمی ئه‌سپی ڕێگرتوو و ته‌نیا
نه‌ گڤه‌گڤی با ی سه‌رگه‌ردان
نه‌ چرای چاوی پیره‌گورگ ..

( 2 )
ساتی یه‌كتربینین

ساتی دیدار نزیكه‌ .
دیسان ئه‌من شێت بوومه‌وه‌
دیسان دڵم ، ده‌سته‌كانم ده‌له‌رزن
گۆیا دیسان له‌ زه‌وقێكی دیكه‌ دام
ئاه ..
با ،
بسكی لووسم ده‌شێوێنێ
ئای .. ئه‌وه‌تا تیخ كتوپڕ
ڕوومه‌تم ده‌ڕووشێنێ ..

نه‌كه‌ی ئابڕووم ببه‌ی ئه‌ی دڵ !
ساتی دیدار نزیكه‌ .

  • شیعری (خه‌م) له‌ – برگزیده‌ شعرهای م. اومید- ( مهدی اخوان ثالث ) و ( ساتی یه‌كتربینین) له‌ ( راهیان شعر امروز ) ی داریوش شاهین كراون به‌ كوردی .
Previous
Next

Leave a Reply