Skip to Content

373 Views

چەند هەڵەیەکی بەختیار عەلی لە ڕۆمانی دەریاس و لاشەکان … نوسینی:ئالان فەرمان

چەند هەڵەیەکی بەختیار عەلی لە ڕۆمانی دەریاس و لاشەکان … نوسینی:ئالان فەرمان

Be First!
by July 15, 2019 General, Literature
image_print

نکوڵی لەوە ناکرێت کە بەختیار یەکێکە لەناوە شۆک ئامێزەکانی فەزای ڕۆمان و هزری فەلسەفی و دیاردەیەکی ئەدەبیە سنور ناناسێت، بەڵام ئەم کەڵە نوسەرە بەدەر نیە لە هەڵە و کەم و کورتی وەک هەر نوسەرێکی تر، بۆیە ئێمەش وەک خوێنەرێکی ئاسایی کۆمەڵێک ڕەخنەمان ئاراستە کردوە.

ڕخنەکان:
“شۆڕش هەڵناگیرسێت گەر ئەفسانەیەک خوڕافەتێک دینێک خەڵک نەجوڵێنێت”

بەختیار لەم کتێبە(دەریاس و لاشەکان) خوێندنەوەیەکی هەڵە بۆ خۆرهەڵاتی ناوین و مێژوەکەی دەکات و پێیوایە، شۆرشەکانی خۆرهەڵاتی ناوین لەلایەن ئەفسانە و دینەوە هەوایان تێکراوە و بە مۆتیڤی ئەو تەوەهومانە شۆرش هەڵدەگیرسێت،لەکاتێکدا ئێمە ئەزموونی بەهاری عەریبیمان هەیە کە سێ داواکاری سەرەکی لەخۆ دەگرێت(نان و ئازادی کەرامەت) وە ئەم تێزەی بەختیار بەشێوەیەک لە شێوەکان لێدانە لە عەقڵیەت و ئیرادەی شۆرش گێڕی و لێدانە لە مانا ڕوت(بەستراکت)ەکەی شۆرش کە هەڵگری فۆڕمێکی بەهادارە و گۆڕانکاری مێژویی دە ئافرێنێت.

2 ،،شۆرش بە پانتۆڵی تەسک و قونی فشەوە ناکرێت،،

گەر سەیرێکی ئەم تێکستە بکەین،ئەبینین کە بەختیار ئەستوندەگی کەرامەتی ئەو گەنجانە ئەشکێنێت کە زۆرینەی کۆمەڵگاکەمان پێکدێنن و هەڵگری ستایلێکی ڕۆژئاوایانەن، بەختیار بەو گەنجانە دەڵێت: (ئێوە بۆ شۆرش نابن ) وەک ئاشکرایە کۆڵەکەی هەر کۆمەڵگایێک گەنجە و کۆتای گەنج کۆتای شۆرش و سەرهەڵدانی جوڵانەوەکانە کە دووبارە ئەمە لێدانە لە هزری شۆرشگێری،شۆرش لە ئیلتیزامی جل و بەرگەوە بچوک ناکرێتەوە بەڵکو ئەبێت ناوەڕۆکێکی فەلسەفی و ئاراستەیەکی عەقڵانی هەبێت قسەکردن لەسەر جل و بەرگ پاسیڤکردنی شۆرشە لەمانا جەوهەریە کاریگەرەکەی.

3 ،،ڕەخنە لە داڕشتنی ستراکچەری ڕۆمان،،

بەختیار عەلی لەم ڕۆمانەدا ئاماژە بە کارەکتەرێکی سەرەکی ناو ڕۆمانەکە دەکات کەناوی (نۆباری ئەشکزاد)ە نۆبار هاوشێوەی براکەیەتی کەناوی(بیلالی ئەشکزاد)ە کە سەرکردەیەکی دیاری هێزێکی سیاسیە و ئەیەوێت شۆرش هەڵگیرسێنێت و خۆی بکات بە خودایەک و بیپەرستن،بۆیە گرێبەستێکی سیاسی لەگەڵ لێچوەکەی واتە نۆباری ئەشکزاد دەکات کە لە بری ئەو بچێتە ناو خەڵک و سادەیی جەنابی سەرۆک پیشان بدات لەکاتێکدا سەرۆکی ئۆرجیناڵ لەماڵەوەیە، نۆباریش ساڵانێکە لە سوریا بوەو ویستویەتی ببێت بە یەکێک لە ناوە نەمرەکان بەڵام پێی نەگەیشتوە بۆیە دێتەوە کوردستان و بەو گرێبەستە رازی دەبێ،چونکە دەیەوێت ئەویش ناوێکی نەمر بێت، هەڵەکە لێرەدایە لەکۆتایی ڕۆمانەکەدا هەردوکیان دەمرن جەنەڕاڵ بیلالی سەرۆک ئامانجەکەی دەپێکێت و دەبێتە ئەو خودایەی کە چاوەڕێی دەکرد و نۆباریش دەبێتە فاکتەرێک چونکە ئەو وای کرد خەڵک بڵێت سەرۆک سادەیە واتە لەبری سەرۆک دچوە نێو خەڵک کەواتە پرسیارەکە ئەوەیە: تۆ بڵێی لە مێژوودا کارەکتەرێکی وا گێل هەبێت کە بەو گرێبەستە ڕازیبێت چونکە ئەو هەرچی دەکرد بۆ لێچوەکەی هەژمار دەکرا واتە سەرۆک بیلال، لە کاتێکدا ئەو خۆشی دەیویست لەژێر ئەو ناوە ببێتە سەرۆکێکی نەمر ، چۆن دوکارەکتەر دەتوانن ببن بە خودایەک،!!!!!!

هەڵەی زمانەوانی..

(ئەوە دەردی قوڵی ئینسانە هەرشتێک بە خۆشەویستی نایگەینێ دەمانەوێت بە دەسەڵات پری بکەینەوە،هەرشتێک بە دەسەڵات نایگەیێنێ دەمانەوێت بە خۆشەویستی پڕی بکەینەوە.) گەر سەرنج بدەین دەبینین هەڵەیەکی کوشندەیە جەنابی نوسەر جێناوەکان جێگۆرکێ دەکات واتە ناگەڕێتەوە هەمان جێناو بەم شێوەیە:(،ئەوە دەردی قوڵی ئینسانە هەرشتێک بەخۆشەویستی نایگەینێ دەیەوێت بەدەسەڵات پڕیبکاتەوە،هەرشتێک بە دەسەڵات نایگەیێنێ دەیەوێت بە خۆشەویستی پڕیبکاتەوە)

نوسینی:ئالان فەرمان

Previous
Next

Leave a Reply