Skip to Content

58 Views

پێشمه‌رگه‌ دێرنه‌كان  له‌ كونفرانسێكی سه‌ركه‌وتوودا … ئه‌حمه‌د ره‌جه‌ب

پێشمه‌رگه‌ دێرنه‌كان له‌ كونفرانسێكی سه‌ركه‌وتوودا … ئه‌حمه‌د ره‌جه‌ب

Be First!
by July 18, 2019 General
image_print



ستوكهۆڵم : { خوله‌كێك وه‌ستان و بێده‌نگی بۆ گیانی پاكی شه‌هیدانی حزب} له‌ كه‌ش وهوایه‌كی فێنكی وڵاتی سویدو دیدارێكی گه‌رم و گوری هاورێیانی رۆژانی سه‌ختی تێكۆشان كونفرانسی كومه‌ڵه‌ی پێشمه‌رگه‌ دێرینه‌كانی حزبی شیوعی كوردستان سه‌ركه‌وتووانه‌ له‌ رۆژی 14/7/2019 به‌رێوه‌چوو .
كۆنفرانسه‌كه‌ بوارو هه‌لێكی هاورێیانه‌ی ‌ باشی ره‌خساند بۆ دیداری پێشمه‌رگه‌ جه‌نگاوه‌ره‌كانی حزبی شیوعی كه‌ له‌ رۆژانی تیكۆشانی شاخ پێكه‌وه‌ دژ به‌ ده‌سه‌ڵاتی دیكتاتۆری سه‌دام حوسه‌ێن و حزبی به‌عسی عه‌ره‌بی شان به‌ شان شه‌ریان ئه‌كردو ، له‌ پاش راپه‌رێنه‌ مه‌زنه‌كه‌ی گه‌لی كوردستان به‌شێك به‌ هوێ جیاجیا چوونه‌ ده‌ره‌وه‌ی وڵات و، هه‌ندێكیان گله‌ییان له‌ سیاسه‌تی حزب بوو، بۆیه‌ له‌ رێكخراوه‌كانیدا دوور كه‌وتنه‌وه‌.
كۆنفرانسه‌كه‌ی سوید به‌ ئاماده‌بوون و سه‌رپه‌رشتی هاورێ حه‌مه‌ ره‌شید قه‌ره‌داغی سه‌رۆكی كۆمه‌ڵه‌ی پێشمه‌رگه‌ دێرینه‌كانی حزبی شیوعی كوردستان به‌رێوه‌چوو، شایانی ئاماژه‌یه‌ كۆنفرانسه‌كه‌ بۆ یه‌كه‌م جار توانی تێكرای هاورێیان كه‌ چه‌ندان ساڵه‌ له‌ حزب دوورن له‌ گه‌ڵ هاورێیانی رێكخراوه‌ی حزب و كۆمه‌ڵه‌ی پێشمه‌رگه‌ دێرینه‌كان كۆ بكاته‌وه‌.
سه‌ره‌تا هاورێ حه‌مه‌ ره‌شید به‌خێرهاتنی هه‌موو لایه‌كی كردو، پێخۆشحاڵی ده‌ربری بۆ پێشمه‌رگه‌و كه‌سوكاریان و، وه‌بیریهێنایه‌وه‌ قه‌ت هاورێیانی شه‌هێد له‌ بیرناكه‌ێن و، هاورێ باسی چۆنێتی دروستبوون و دامه‌زراندنی كۆمه‌ڵه‌ی پێشمه‌رگه‌ دێرینه‌كانی كردو وتی: دیاره‌ سه‌ره‌رای كه‌م كورتی و، خاڵی لاوازو نێگه‌تیڤ، توانیمان كۆمه‌ڵه‌كه‌ به‌ره‌وپێش به‌رین و، ئه‌كتیڤی بكه‌ێن و، ده‌ستكه‌وتی پۆزه‌تیڤانه‌ وه‌ده‌ستبێنین و، هه‌وڵمانداوه‌ زه‌وی بۆ پێشمه‌رگه‌ دابین بكه‌ین و، لیستێك له‌ به‌رده‌ستمدایه‌ به‌ شه‌ش هه‌زار پارچه‌ زه‌وی بۆ پێشمه‌رگه‌ و، ئه‌م لیسته‌ له‌ كاتیك به‌رهه‌م ساله‌ح سه‌رۆك وه‌زیران بووه‌ ره‌زامه‌ندی له‌ سه‌ره‌ به‌ڵام تا ئێستا جێبه‌جێ نه‌كراوه‌و، ئه‌وه‌ش وه‌ك بریاره‌كانی تری حكومه‌ت ئیفلیج ئه‌بێت و جێبه‌جێ ناكرێن.
له‌ ته‌وه‌رێكی تری كۆنفرانسه‌كه‌ رێگادرا به‌ هاورێیان قسه‌ی خۆیان بكه‌ن و، لێره‌دا نابێت بیشارینه‌وه‌ كه‌ هه‌ندی له‌ هاورێیان به‌ دڵگه‌رمییه‌وه‌ باسی پچران و دووركه‌وتنه‌وه‌یان له‌ حزب كردو، ئاماژه‌شیان به‌وه‌داو وتیان: هۆكاری سه‌ره‌كی هاورێیانی سه‌ركردایه‌تی حزبه‌ و ، ھه‌رواهه‌ندی له‌ هاورێیان به‌ هه‌ڵچوون هێرشیان كرده‌ سه‌ر چه‌ند ناوێك له‌ سه‌ركردایه‌تی و، به‌شێكی تریان گله‌یی و گازنده‌یان خسته‌روو، له‌ كۆتاییدا دامركانه‌وه‌و، هه‌موو لایه‌ك به‌ روویه‌كی خۆشی و پێكه‌نینه‌وه‌ قسه‌كانیان له‌ بیركردو، پاشان ده‌رگاكرایه‌وه‌ بۆ هه‌ڵپژاردن و{3} هاوری خۆیان كاندید كردو، بوونه‌ كۆمیته‌ی سویدو، جێی ره‌زامه‌ندی هه‌موو لاێه‌ك بوون و، ناوی هاورێیان: نه‌رمێن نجم الدین مامۆ، سه‌عید شابۆ { كامه‌ران} و هێمن و، له‌ كۆبوونه‌وه‌یه‌كی سێ قۆڵییدا هاورێ سه‌عید شابۆ وه‌ك به‌رپرسی سوید ده‌ستنیشانكرا.
هاورێیان له‌ پاش باسی كه‌موكورییه‌كان ، ره‌خنه‌و و پیشنیازی خۆیان پێشكه‌شكردو، له‌ كه‌ش هه‌وایه‌كی دۆستانه‌و هاورێیانه‌ { 42} مه‌دالیای رێزلێنان به‌ {42} پێشمه‌رگه‌ی دێرین و. هاورێیانی بوێری رێكخراوه‌كانی حزب له‌ ناو شاره‌كان به‌خشراو، خۆشم یه‌كێك بووم له‌و پۆله‌ تێكۆشه‌ره‌..
هه‌ندێ له‌ هاورێیان مه‌داڵیاكه‌یان پێشكه‌ش به‌ داێك و خوشك كردو، له‌ پێش هه‌موو لایه‌ك هاورێ رێزان خێزانی پۆڵا زندانی وتی : له‌ ته‌مه‌نی 11 ساڵیدا باوكم كۆچی دووایی كردو، دایكم ئێمه‌ی به‌خێو كرد، زۆر مێهره‌بان بوو به‌ خۆشه‌ویستی شیوعییه‌ت وحزبی شیوعی و هاورییان په‌روه‌رده‌ی كردین و، هه‌موو كات قه‌رزاری ئه‌وین بۆیه‌ مه‌دالیای رێزلینانه‌كه‌م پێشكه‌ش به‌ دایكم ئه‌كه‌م و، هه‌روا هاوری نه‌رمین نجم الدین مامۆ باسی له‌ تیكۆشانی خوشكێك كردو وتی : ئه‌م ئافره‌ته‌ كه‌ له‌ ته‌نیشتم وه‌ستاوه‌ تێكۆشه‌رێكی رۆژانی خه‌باتی ناو شاره‌كانه‌و چه‌ند جارێك گیراوه‌و زیندانی كراوه‌و، نه‌هێنییه‌كانی حزبی پاراستوه‌و، شایانی ئه‌وه‌یه‌ مه‌دالیای رێزلێنانه‌كه‌م به‌م خوشكه‌ تیكۆشه‌ره‌ پێشكه‌ش بكه‌م و.به‌و شێوه‌یه‌ كونفرانسه‌كه‌ كۆتایی به‌كاره‌كانی هێنا.
16/7/2019

Previous
Next

Leave a Reply