Skip to Content

69 Views

یەکەمین کۆنفرانسی مەریوان ناسی

یەکەمین کۆنفرانسی مەریوان ناسی

Be First!
by July 18, 2019 General
image_print

ئەنجومەنی فەرهەنگی- ئەدەبیی مەریوان بەڕێوەی دەبات:

🔻 خەزەڵوەری ١٣٩٨

🔻 مەریوان ھەر لە کۆنەوە تاکوو ئێستا تووشی هەوراز و نشێوی زۆر و چەندین گۆڕانکاریی مێژوویی هاتووە. دەوری گرینگی مەریوان لە مێژوو و فەرهەنگی ئەم هەرێمەدا و هەروەها هەڵکەوتی جوغرافیایی و سروشتی دەگمەن و تایبەتیی مەریوان پێویستی بە لێکۆڵینەوە، خوێندنەوە و شرۆڤەیەکی سەرلەنوێیە. کارێک کە تاوەکوو ئێستا کەمتر بە شێوەی زانستی و سیستماتیک ئەنجام دراوە.

هەربۆیە «ئەنجومەنی فەرهەنگی- ئەدەبیی مەریوان» بڕیاری داوە لە مانگی خەزەڵوەر (١٣٩٨)ی هەتاویدا کۆنفرانسێک لەژێر ناوی:
«یەکەمین کۆنفرانسی مەریوان ناسی» بەڕێوە ببات. لەم پێناوەدا داوا لە هەموو نووسەران، لێکۆڵەران و مامۆستایانی هێژای زانکۆ و… دەکرێت بەسەرنجدان لە تەوەرەکانی ئەم بانگهێشتە وتار و لێکۆڵینەوە زانستییانەکانی خۆیان بۆ ئەم کۆنفرانسە بنووسن.

تەوەرەکانی کۆنفرانس:

ئەلف) مێژوو و کۆنینەناسی:

١- مەریوان لە ڕووپەڕەی مێژوودا
٢- بەراوردکردنی هێما مێژووییەکان، قەڵاکان، جێگاکانی مەریوان و ناوەکانیان لەگەل ناوچەکانی تردا.
٣- لێکۆڵینەوەی کۆنینەناسانەی قەڵا و شوێنەوارە دێرینەکانی مەریوان
٤- پێناسەی وشەی مەریوان لە ڕووی زمانناسی، مێژوو، ئوستوورە و ئەفسانەوە
٥ – مەریوان، دەسنووس و بەڵگەنامە مێژووییەکان
٦- مەریوان لە نووسراوەی ڕۆژهەڵاتناسەکان و بەڵگەنامە حکوومییەکاندا
٧- دەوری سیاسی-کۆمەڵایەتیی تایفە، عەشیرە، خان و سەرۆک عەشیرەکانی مەریوان
٨- ڕەوت و قۆناغە مێژووییەکانی دایەرە حکوومییەکانی مەریوان

ب) ڕۆشنبیری و فەرهەنگی:

١- هونەر و ڕەوتی گۆڕانکارییەکانی لە مەریوان
٢- ئایینە کۆنەکان و پاشماوەی ڕەگەی ئایینیە جۆراوجۆرەکان لە مەریواندا
٣- دەور و پێگەی حوجرە، خانەقا و تەکیەکان لە مەریواندا
٤- ناوداران، ژن و پیاوە هەڵکەوتووەکانی مەریوان
٥- فەرهەنگ، فۆلکلۆر و ئەدەبیاتی زارەکیی مەریوان
٦- جێگە و پێگەی ڕۆژنامە و چاپەمەنی و ڕاگەیێنەرە گشتییەکان لە مەریواندا
٧- دەوری ڕێکخراوە مەدەنییەکان و زانکۆ و ناوەندە زانستی و فێرکارییەکان لە گەشەپێدانی مەریواندا

ج) کۆمەڵایەتی:

١- چین و توێژە کۆمەڵایەتییەکانی مەریوان
٢- خەڵکناسی (anthropology)
٣- مەریوان و شێوازی ژیان
٤- خەسارناسیی دیاردەی کۆچ بۆ مەریوان
٥- سنوور و کاردانەوەی لەسەر کولتووری خەڵکی مەریوان

د) ژینگە و جوغرافیای مەریوان:

١- کێو، دارستان و دەشت و…
٢- سروشتی مەریوان و ژیانی ئەو ڕووەک و گیانلەبەرانەی کە بەبێ دەستێوەردانە مرۆییەکان لەم ناوچەیە بوونیان بووە و هەیە
٣- ئاوەکانی ناوچەی مەریوان، دەرفەت، مەترسی و هەڕەشەکان

‌هـ) ئابووریی مەریوان:
١-پیشەسازی، کان و کانزاکانی مەریوان
٢- مەریوان و ئابووریی سنوور
٣- ئابووریی کشتوکاڵ، باخ و ئاژەڵداری
٤- ئابووریی گەشتیاری
٥- ئابووریی هونەر
٦- پیشە دەستییەکانی مەریوان

سەرنج: نووسەر و لێکۆڵەرانی بەڕێز دەتوانن تەوەر و بابەتی تر بۆ نووسین هەڵبژێرن بە مەرجێ کە بە جۆرێک پەیوەندی بە (کۆنفرانسی مەریوانناسی)یەوە ببێت.

ڕینوێنیی نووسینی وتار و توێژینەوەکان:

• توێژینەوەکان پێویستە بە ڕێبازی زانستی و ئاکادیمی بنووسرێن.
• توێژینەوەکان نابێ لە (١٢) لاپەڕەی (٤٠٠) وشەیی زۆرتر بێت.
• توێژینەوەکان دەکرێ بە زمانی کوردی یان فارسی بنووسرێن.
• نووسینی توێژینەوە کوردییەکان پێویستە بە فۆنتی (Unikurd Goran) بن بە قەبارەی (١٤) بۆ ناوەڕۆک و (١٢) بۆ پەراوێز.
• نووسینی توێژینەوە فارسییەکان پێویستە بە فۆنتی (B nazanin) بن بە قەبارەی (١٤) بۆ ناوەڕۆک و (١٢) بۆ پەراوێز.
• پەراوێزەکان پێویستە هەر لە بەشی خوارەوەی ئەو لاپەڕەیەدا بن کە هاتوون.
• ئیمەیل و ژمارە تەلەفوون و شوێنی کار و پلە و ڕادەی خوێنەواری و زانستیی توێژەر لەگەل توێژینەوەکەیدا بنووسرێت.
• پوختەی توێژینەوە و باسەکە لە (٥٠٠) وشەدا لە سەرەتای توێژینەوەکەدا بنووسرێت.
• توێژینەوەکان نابێ پێشتر لە هیچ جێگایەکیتردا پێشکەش یان بڵاو کرابێتنەوە.

دوا دەرفەت بۆ ناردنی بابەتەکان: (1398/7/10)

ناونیشانی نووسینگەی کۆنفرانس:

نووسینگەی ئەنجومەنی فەرهەنگی-ئەدەبیی مەریوان لە ئیدارەی فەرهەنگ و ئیرشاد مەریوان.

تەلەفوون:
09183748587 –08734594567 0873460284

ئیمەیل : anjomanadabi95@gmail.com

تلگرامی ئەنجومەنی فەرهەنگ- ئەدەبیی مەریوان : https://t.me/meriwan_edebi

ئینستاگرام :
https://www.instagram.com/encwmen/

سایت و وێبلاگ:
http://marivannasi.blogfa.com/

Previous
Next

Leave a Reply