ھاتووم بە گوێتدا بچرپێنم … یوسف ابراھیم

ھاتووم بتبینم
پەیڤی جوان
لە نیگایەکت بچنم
و بیرفێنم بۆ دێرەکانم
وەک ھەنگاوەکانتـ
ڕیز کەم و
لە پاڵتەوە
بەوریایی بەگوێتدا بچرپێنم
و بتھۆنمەوە
ھاتووم نیگارکێشێکم پێ بناسێنی
بەدیارتەوە دانیشێ
لە خۆرھەڵات تا خۆرئاوا
بتوانێ تابلۆێەک بنەخشێنێ
دەرحەق بە جوانی تۆ بێ
ھاتووم شاعيرێکم بۆ بدوێنی
بە وشەکانی بتوانێ
بە دیوانێکیش بێ
وێنای جوانی تۆ
بە گوێی گوێگرا بچرپێنێ
رێبوارێکم بۆ بدۆزیەوە
بەدەوری زەوی
وڵات وڵات سورابێتەوە
تۆی پیشان بدەم
سەرسام ڕا دەمێنێ
ھەروەک تازە ئەوەی بینیبێ
کە بەدوای دەسورایەوە
ھاتووم پێت بڵێم
بەزمانێکی بازاڕی بنووسم
وشەکانم لەنگیش بێت
باسی تۆ بکەم
جوانترین شیعر دەبێت

یوسف ابراھیم

Dengekan

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.