Skip to Content

زۆر …. نەوزاد بەندی

زۆر …. نەوزاد بەندی

Closed
by ئاب 1, 2019 General, Poems

پینەچی ئەڵێ :
ئەبێ لەم سەرزەمینە
تا ئێستا
چەند جووت پێڵاو دڕا بێ ..؟
پیاوکوژ ئەڵێ :
ئەبێ لەم سەرزەمینە
تا ئێستا
چەند کەس کوژرا بێ ؟
بەلوعە چی ئەڵێ :
ئەبێ لەم سەرزەمینە
تا ئێستا
چەند بەلوعە شکابێ ؟؟
کەبابچی ئەڵێ :
ئەبێ لەم سەر زەمینە
تا ئێستا
چەند شیش کەباب خورابێ ؟
کەیبانوو ئەڵێ :
ُئەبێ لەم سەر زەمینە
تا ئێستا
چەند مەنجەڵ دەم کرابێ ؟
یاریزان ئەڵێ :
ئەبێ لەم سەر زەمینە
تا ئێستا
چەند شەق لە تۆپ درا بێ ؟
چایچی ئەڵێ :
ئەبێ لەم سەرزەمینە
تا ئێستا
چەند پیاڵە چا تێکرابێ ؟؟
عەشق ئەڵێ :
ئەبێ لەم سەر زەمینە
تا ئێستا
چەند دڵ شکابێ ؟
سیاسی ئەڵێ :
ئەبێ لەم سەرزەمینە
تا ئێستا
چەند فێڵ و فڕ کرابێ ؟
چەند پارە و ماڵ دزرا بێ ؟
چەند پەیمان شکێنرا بێ ؟
چەند بێ تاوان فڕێنرابێ ؟
چەند بێ ئاگا کوژرابێ ؟
چەند بێ تاوان زیندان کرابێ ؟
چەند ڕاستی شێوێنرا بێ ؟
چەند زوڵم و زۆر کرابێ ؟
چەند پەیماننامەی نهێنی مۆر کرابێ ؟
چەند پیلان گێڕرا بێ ؟
چەند ڕۆڵی شانۆیی گێڕا بێ ؟
چەند چاڵ و مین دانرابێ ؟
چەند جەنگ بە ناحەق هەڵگیرسا بێ ؟
چەند سیاسی دواجار ڕیسوا کرابێ ؟

وەڵامی هەموویشیان یەک وشەیە :
( زۆر )!!
nawzad bandy

Previous
Next
Kurdish