Skip to Content

51 Views

لە یادی 5ساڵەی تاوانی كۆمەڵكوژی ئێزیدیی و كریستان و كاكەیی و شەبەك و …ەكاندا: هەركەسێك نكۆڵی لە تاوانی جینۆسایدیان بكات دەبێت سزا بدرێت

لە یادی 5ساڵەی تاوانی كۆمەڵكوژی ئێزیدیی و كریستان و كاكەیی و شەبەك و …ەكاندا: هەركەسێك نكۆڵی لە تاوانی جینۆسایدیان بكات دەبێت سزا بدرێت

Be First!
by August 3, 2019 General, Genocide
image_print


لە 3ی ئابی 2014 چەكدارانی داعش یەكێك لە هەرە قێزەونترین تاوانەكانی سەردەمیان بەرامبەر بە هاووڵاتیانی شەنگال و پێشتریش برا كریستان و شەبەك و توركمانە شیعەكانی ناوچەی موسڵ ئەنجامدا, كە نموونەی ئەم تاوانانە لە 100 ساڵی رابردوودا لە جیهاندا نەبووە.ئێمە لە 4ی ئابی 2014ەدا لە بەیاننامەیەكی فەرمیدا وەك یەكەم لایەن ئەو تاوانەمان بە جینۆساید ناساند و داوامان لە كۆمەڵگای نێو دەوڵەتی و كوردستانی كرد بەرەو روی تاوانەكە ببنەوە, لەو پێناوەدا دوای خۆیان زۆرترین كارمان كرد و بە ئەركی خۆمان هەڵستاین, ئێستاش پشتیوانی تەواو دەكەین لە بە جینۆساید ناسینی تاوانی كۆمەڵكوژی ئێزیدییەكان بە جینۆساید و بەشەهید ناسینی قوربانییەكانیان, لێ پێمان وایە دەبێت هەموو ئەو پێكهاتانش بگرێتەوە وەك ” كریستان, كاكەیی, شەبەك,…..” كە لەو پرۆسەیەدا جینۆساید كران, لە یادی 5 ساڵەی ئەم تاوانە قێزەونەدا داواكارین .- حكومەتی هەرێمی كوردستان فشار بخاتە سەر حكومەتی ناوەندی تا پەیماننامەی رۆما واژۆ بكات و ببێتە ئەندامی دادگای تاوانی نێو دەوڵەتی, بۆ ئەوەی نیازپاكی خۆی لە رێگای بە ئەندامبونییەوە لە دادگاكە بۆ پێكهاتەكانی ئەم وڵاتەی مەڵبەندی جینۆساید رابگەیەنێت كە دژ بە دوبارەبوونەوەی تاوانەكانی رابردووە كە بەسەر گەلەكەماندا هاتووە( هەڵەبجە, ئەنفال, بارزانی, فەیلی, تەعریب, شەنگار, سمبێل, دوزو كەركوك و پەڵكانەو …. )), تاوانەكانی شەنگال سەلماندیەوە بە ئەندام بوونی عێراق زامنی دووبارە نەبوونەوەی ئەم جۆرە تاوانانەو سزا دانی بكەرانی و ناساندنی حەقیقەتی یاسایی تاوانەكەیە لە ئاستی نێو دەوڵەتیدا .- داوا لە دەسەڵاتدارانی كوردستان دەكەین, داواكاری بە ئەندام بوونی عێراق لە دادگای تاوانی نێو دەوڵەتی بكەنە یەك لە داواكارییەكانی خەڵكی كوردستان لە دانوساندنەكانیان لە گەڵ حكومەتی ناوەندی بەغدا لە گەڵ لایەنە عێراقیەكان و سازشی لەسەر نەكەن.-هەر كەس و لایەنێك لە كوردستانەوە ریكلام بۆ داعش و فكری بكات, پێویستە بە تاوانی هاوكاریكردنی تیرۆر و بانگەشە بۆی دادگایی بكرێت.- هەر كەس و لایەنێك نكۆڵی لە جینۆسایدی ئێزیدی و كریستان و شەبەك و كاكەكەیی و پێكهاتەكانی دیكە بكات لە لایەن داعشەوە پێویستە سزا بدرێت, ئینكاركردنی تاوانەكانی جینۆسایدی ئەو پێكهاتانە دەبێت وەك تاوان سەیر بكرێت لە هەرێمی كوردستان, بە یاسا رێكبخرێت.-هەر پارت و لایەنێكی سیاسی ئینكاری جینۆسایدی ئیزیدی و كریستان و شەبەك و كاكەیی …. بكات , یاخود برەو بە سیاسەتی جیاكاری بەرامبەریان بدات لە ئاستی خوارەوە پێویستە قەدەغە بكرێت.-داوا لە حكومەتی هەرێمی كوردستان و كانتۆنەكانی رۆژئاوای كوردستان دەكەین, هەر دیلێكی داعشی هاووڵاتی 122 وڵاتەكەی ئەندامی دادگای تاوانی نێودەوڵەتیان لایە تەسلیم بە دادگای تاوانی نێودەوڵەتی بكەن, بۆ ئەوەی دادگایی بكرێن., هاوكات پەلە بكرێت لە دادگاییكردنیان.-داواكارین حكومەتی هەرێمی كوردستان بودجەی زیاتر تەرخان بكات بۆ ئازاد كردنی كچانی ئێزیدی و قەرەبوكردنەوەیان دوای گەڕانەوەیان.-داواكارین ناوچەی ئێزیدی و كریستان و شەبەك و كاكەیی و … پارێزراو بن لە گۆڕینی دیمۆگرافی و ئەو هەنگاوانانەی تا ئێستا نراون شوێنەواریان بسِڕدرێتەوە.- داواكارین هەموو پێكهاتەكان بەشداری فعلیان لە دەسەڵاتدارێتی هەرێمی كوردستان پێ بكرێت و بەشداری راستەقینەیان پێ بكرێت لە حوكمڕانیدا.-داواكارین هەر پێشێلكارییەك و جیاكارییەكیان بەرامبەر كراوە لە مێژوودا, لە هەمبەردا داوای لێبوردنیان لێبكرێت.- داواكارین حكومەت بە مەنهجی خوێندندا بچێتەوەو هەرچی كەس و لایەنێك پێشێلكاریان بەرامبەر ئەم پێكهاتانە كردووە لە مێژوودا و تا ئێستا وەك پاڵەوانی مێژوویی سەیركراون لە مەنهەج دەربهێنرێن و راستییە مێژوییەكان ئاشكرا بكرێن لەسەر ئەو كەسانە.- كاتی ئەوە هاتووە فێری داوای لێبوردن كردن بین بەرامبەر بە ناشرینییەكانی رابردوو, ببینە نموونەی گەلی لێبوردە.
-داواكارین ئەنجامی لێكۆڵینەوە لە هۆكاری داگیركردنی شەنگال لە 3-8 لە لایەن داعشەوە بۆ رای گشتی ئاشكرا بكرێت, ئەگەر شكستی سەربازییە ئەوانەی هۆكاری شكستەكەن سزا بدرێن و لە بەرپرسیارێتی سەربازی دوور بخرێنەوە, ئەگەر كارئاسانیكردنێك هەبووە بۆ لایەنی بەرامبەر, ئەوا بە تاوانی هاوكاریكردنی جینۆساید سزا بدرێن.لە كۆتادا سەری رێزو نەوازش بۆ قوربانیانی ئێزیدی و كریستان و كاكەیی و شەبەك و پێكهاتەكان دی دادەنوێنین.

تۆڕی هاوپەیمانی رێكخراوە كوردستانییەكان لە پێناو دادگای تاوانی نێو دەوڵەتیكوردستان بێ جینۆساید kurdistan without genocideتۆڕی رێكخراوە كوردییەكان بۆ قەدەغە كردنی چەكی ئەتۆمی هەڵمەتی دادپەروەریرێكخراوی قەدەغەكردنی چەكی كۆكوژ لە كوردستان.3-8-2019

Previous
Next

Leave a Reply