Skip to Content

19 Views

نیاز … نادری نادر پوور… و: نه‌ژاد عزیز سورمێ

نیاز … نادری نادر پوور… و: نه‌ژاد عزیز سورمێ

Be First!
by August 6, 2019 General, Poems
image_print

له‌ ئامێزی تۆدا ده‌مرم ..
له‌ ئامێزی سپی پڕ به‌هاری تۆدا
له‌ ئامێزێ كه‌ ماته‌مینی لێ دووره‌
له‌ ئامێزێ ، مه‌مكی پاكی چاوگه‌ی نووره‌ .

تۆ له‌گه‌ڵ من به‌ ، له‌ به‌ڵایان دڵنیابه‌ !
له‌گه‌ڵ من به‌ !
من تۆم وه‌ك
پیاڵه‌یه‌كی تژیی‌ تینوویه‌تی ده‌وێ ..
له‌ هه‌ر هه‌ناسه‌یێ ، هه‌ر هه‌وه‌سێ
‌ هه‌ر ده‌سله‌ملانه‌یێكدا ..
وه‌ك چاوی پڕ له‌ نیگای
زۆنگاوه‌ دووره‌كان
‌ شه‌وانه‌ بێدارن و
له‌ بۆسه‌ی با ی ڕاگوزه‌ردان
تۆم ده‌وێ ..

تۆش وه‌ك من به‌ ، له‌گه‌ڵ من به‌ !
پڕ به‌ له‌ كیینه‌ بۆ دژمن
نوقمم كه‌ له‌ ویژدان
بمخه‌ره‌ ناو ئاگری هاواره‌ كپه‌كان ..
به‌ وێنه‌ی ئه‌ندامی سپیت ئاشنام كه‌ !
به‌ ترووسكه‌ی چاوی ڕه‌شت
ڕوناهیم به‌سه‌ردا ببارێنه‌ .

تۆم به‌ هه‌موو خه‌می پاكمه‌وه‌ خۆش ده‌وێ ..
لێم گه‌ڕێ با لێو له‌سه‌ر لێو
مه‌ستیی تۆ تۆختركه‌م .

ئه‌ی خۆری گه‌رم و ژیانبه‌خش !
له‌ ئامێزی تۆدا ده‌مرم
له‌ ئامێزی سپی پڕ به‌هاری تۆدا
له‌ ئامێزێ كه‌ ماته‌مینی لێ دووره‌
له‌ ئامێزێ مه‌مكی پاكی چاوگه‌ی نووره‌ .

  • له‌ ( برگزیده‌ شعرهای نادر نادر پور)ـه‌وه‌ .
Previous
Next

Leave a Reply