Skip to Content

20 Views

لە وڵاتی من … نەوزاد بەندی

لە وڵاتی من … نەوزاد بەندی

Be First!
by August 7, 2019 General, Poems
image_print


پێچەوانەی فیلمی ھیندی،
بەردەوام قارەمانەکان
زیندان ئەکرێن و
ئەکوژرێن ..
خاینەکانیش ئەیبەنەوە و
خەڵات ئەکرێن ..

پاڵەوانەکان
ھەر پێنج خولەک بەرگە ئەگرن
لە خاچ ئەدرێن ..

خاینەکان
ھەتا دوا چرکەی فیلمەکە
خزمەت ئەکرێن ..

پاڵەوانەکان
نە بەخت یاوەریانە
نە ماسولکە و
ئازایەتیی..
نە کچە شۆخ و شەنگەکان
یەک ھەنگاو لە گەڵیانا دێن ..

خاینەکان
ھەم بەختیارن ..
ھەم پۆشتە و
ھەم قایمکارن ..
لە لافاوی
چەپڵە و ڕێز و ڕۆمانسیەتا
مەلە ئەکەن و
ناخنکێن ..

Previous
Next

Leave a Reply