Skip to Content

تا سەعاتـــی ســـــــفر … سمکۆ ئەحمەد رەشید

تا سەعاتـــی ســـــــفر … سمکۆ ئەحمەد رەشید

Closed
by ئاب 14, 2019 General, Poems

تاکۆتایی
جگەرە بە جگەرە دادەگیرسێنم و
لە دڵی خۆمدا دەلێــــــم
ئای خودایە
بۆ هێندە لە دۆزەخ دەچێ
!ئەو پانتایـــــی وجوودە
……..
تا دوا ترپە
دەست دەخەمە سەر دڵم و
لەبەر خۆمەوە دەڵێــــم
وای خودای مــــن
بۆ هەمیشە دەچنەوە سەر هەڵدێرەکانی زوڵومات
!رێچکەکانی رۆشنایــــی
………….
تا سەعاتی سفری سارد بوونەوەی خەون
رووەو سەراب دادەنیشم و
لە دڵی خۆمەوە دەڵێم
ئای خودای مــــن
بۆ هێندە لەزیندان دەچێ
!ئەو جەننەتی ئازادییە
………….
تا سنووری کوژانەوە
چرکە چرکەی ئەم زەمەنە دەژمێرم و
لە دڵی خۆمدا دەڵێم
وای خودای من
ئەم هەموو دڵڕەقییە
لە کوێوە رژانە سەر زەوی و
باوەشیان پڕ کردم لە کەپکە شاخ
ئەو هەموو پاساری شکانە
لە کوێوە دابارین و
بەسەر درەختی دڵمەوە گیرسانەوە
ئەو لەشکری رەشبینییە بە فەرمانی کام هەوری ئاوس
روانینی داگیر کردم
چاوی پڕ کردم لە کوێری
ئای خودای
!! من

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish