Skip to Content

58 Views

ره‌شه‌با … ستار ئه‌حمه‌د

ره‌شه‌با … ستار ئه‌حمه‌د

Be First!
by August 18, 2019 General, Poems
image_print

ره‌شه‌بایه‌ك به‌ گژ په‌نجه‌ره‌و دیوارو
لق‌و پۆپی دارا ده‌چێ
شاعیرێك به‌ دیار وه‌نه‌وزی هه‌ڵبه‌سته‌وه‌
چڵی ووشه‌ی ووشك بووه‌ته‌وه‌
مه‌لی سینه‌ی خه‌ریكه‌ گیانی ده‌رده‌چێ
كه‌رنه‌ڤاڵی به‌های مرۆڤه‌
چه‌پڵه‌ لێدانی هونه‌ری سه‌رمایه‌داره‌
ره‌شه‌بایه‌ ئاهه‌نگی خه‌و زڕانی
سروشت‌و لوتكه‌و رێبواره‌
هه‌موو میوانی خوانێكین
دڵمان رۆژه‌و
مێشكمان ئه‌ستێره‌ی خه‌واڵوو
سه‌مای هه‌وره‌و
مانگ كه‌ژاوه‌ی ئارامگه‌ی زوو
گڤه‌ی مێشكه‌و
ترپه‌ی ده‌نگی ده‌روونی شه‌واره‌كانه‌
په‌لكه‌ زێڕینه‌ كه‌له‌پچه‌ی
توێشووی خه‌مێكی سه‌ر خوانه‌
گریانم به‌ پێكه‌نین دێت‌و
له‌گه‌ڵ سه‌مای نرخی خۆما
هه‌نسك ده‌كه‌مه‌ گڤه‌بای ئێواره‌ی تۆ
رووتم‌و به‌ مه‌رگی شه‌و ناسیاویت ده‌كڕم
گڤه‌ی بایه‌و بۆ پاراستنت
ده‌ستی نزا بۆ كام خواوه‌ند به‌رز كه‌مه‌وه‌
كام ساویلكه‌ی شیعری بێزارم سه‌ربڕم
رقم له‌ باسك‌و مه‌چه‌كم ده‌بێته‌وه‌
ده‌سته‌كانم كه‌مه‌ره‌ی خۆم ده‌بڕنه‌وه‌
به‌ڵام هه‌رگیز شیعره‌كانم
پاكانه‌و.. شاباشی پایه‌
ناكه‌نه‌ یاوه‌ری به‌زمی
زایه‌ڵه‌ی ئه‌م گڤه‌ی بایه‌

ستار ئه‌حمه‌د

Previous
Next

Leave a Reply