Skip to Content

502 Views

مردن بە بێ وەسێت چەند وشەیەک بۆ مەرگی (تەها و ئومێد و هاوڕێ) … کارا فاتیح

مردن بە بێ وەسێت چەند وشەیەک بۆ مەرگی (تەها و ئومێد و هاوڕێ) … کارا فاتیح

Be First!
by November 26, 2016 General
image_print

وەسێت دوا پەیڤی مرۆڤە بۆ ژیان، بەڵام ئەم مەرگە دوا پەیڤمان ناداتێ، نەك تەنها بۆ ئەوەی بۆ هەمیشە بڕوا بە ڕوودانی نەكەین، بۆ ئەوەیش هەمیشە گوێیەك هەبێت لە ژیاندا دەنگی ئەوان ببیستێت.
وەسێت پێچانەوەی بارگەوبنەیە لە ژیان و بە ناچاری ڕۆیشتنە بەرەو پیری مەرگ، بەڵام ئەمان بارگەوبنە ناپێچنەوە و بێ وەسێت دەڕۆن، چونكە نایانەوێت سینەما و ئەكادیمیا بە جێ بهێڵن و لە داهێنان و تۆماركردنی چركەكانی ژیان بوەستن.

وەسێت ناكەن و دەڕۆن، چونكە ناتوانرێت خاڵی كۆتایی بۆ ژیانی ئەمان دابنرێت، ئەمان لە ناو هونەر و داهێنان و سەركێشییەكاندا دەژین، نەك لە ناو تەقلیدیەت و ڕۆتینی كۆمەڵایەتی و بەهای باو.
وەسێت ناكەن و دەڕۆن، نایانەوێت وەك دیاردەیەكی بایۆلۆجی و فیزیكی مانا وەربگرن، بەڵكو وەك فیكر و ئەندیشە و بیركردنەوە ڕەنگ دەگرن.

وەسێت ناكەن و دەڕۆن، چونكە ناخوازن داوایەكیان لەوانەی دوای خۆیان هەبێت بۆ ئەوەی شتێك بكەن یان ڕێچكەیەك بگرن، چونكە باوەڕیان بەوە نییە ئەو ڕووبەرە جێ بهێڵن كە تێیدا كار دەكەن و سێبەری داهێنانیان بە سەر ئەو ڕووبەرانەوە هەر دەم دەمێنێت.

دوا جار ئەوە ئێمەین كە دیسان نابێت وەسێتیان بۆ دروست بكەین.

Previous
Next

Leave a Reply