Skip to Content

220 Views

ئەدەبی منداڵان … دوو هۆنراوە بۆ مناڵان …  فەرهادئەحمەدبەرزنجی

ئەدەبی منداڵان … دوو هۆنراوە بۆ مناڵان … فەرهادئەحمەدبەرزنجی

Be First!
by August 18, 2019 General, Kids Literature
image_print

دایکم

دایکم بەرزوپیرۆزە
کەسیکی زۆردڵسۆزە
چاوانی پڕ گەشبینی
دڵخۆشم بەبینینی
شەو و ڕۆژ بەبەردەوام
بۆگەیشتن بە هیوام
ڕێی ڕاستم پیشاندەدات
بۆچاکە هانم دەدات
لەخۆم زیاتر پەرۆشە
کەدڵخۆشبم،دڵخۆشە
بۆیە بەڵێن بێت دایە
ڕەنجت نادەم بەزایە
گشت ئامۆژگاریەکانت
وتەو کردەوەکانت
دەکەم بەیاسای ژیان
ڕۆشن وەکودەم بەیان
پاشەڕۆژ کەگەورەبوم
دەڵێم پەروەردەی تۆبوم
هەوڵ وماندوبونی تۆ
منی گەیاندە ئەمڕۆ
باشترین ژن لەجیهان
لەلای من،تۆی دایەگیان.


سەردان

گوێم لێبگرن مناڵان
من کە دەچم بۆماڵان
لەگەڵ دایک و باوکی خۆم
زۆرهێمن و لەسەرخۆم
ڕێز لەخاوەن ماڵ دەگرم
بیانوی نابەجێ ناگرم
ئەگەر منداڵیان هەبوو
دەبمە هاوڕێی زوبەزو
یاری لەگەڵدا دەکەم
وەک خۆم ئاسودەی دەکەم
کەلوپەلی ناشکێنم
لەخۆمی ناڕەنجێنم
رەوشتی سەردان وایە
دوور لەشەڕ و هەرایە۰

فەرهادئەحمەدبەرزنجی

Previous
Next

Leave a Reply