Skip to Content

222 Views

هەموومان ماریا ین،  لە بەرامبەر سەرکوتکەرانی ئازادیدا … موئەیەد ئەحمەد

هەموومان ماریا ین، لە بەرامبەر سەرکوتکەرانی ئازادیدا … موئەیەد ئەحمەد

Be First!
by August 18, 2019 General, Opinion
image_print


هونەرمەندی لێهاتوو وناسراو بەرێز ماریا هەوارمی چەند رۆژێک لەمەوبەر لە دەستپێشکاریەکی نایابی هونەریدا گۆرانیەکی تازەی خۆی پێشکەش کرد لە دەرەوی ستۆدیوکان لە شەقامی سالم لە شاری سلیمانی.
گۆرانیەکەی هونەرمەند بە دەم هەڵپەرکێی بە جۆشی لاوانێكی زۆر لە کچ وکۆری تامەزرۆی ئازادی نماێشکرا. هەموو ئەم ئاهانگە ساتێکی خۆشی وئاسودەیی دروست کرد بۆ بەشداربووان وتەماشاکاران وهەر کەسیش کە دواتر لە تەلەفزیۆن وسوشیال میدیاکانەوە بینیبێتی. ئەم دەستپێشکاریە هونەریە جیگەی ستایشی هەر کەسیکە کە خۆازیاری خۆشی وئاسودەیی وکامەرانی بێت بۆ ئینسانەکان. لە ناخەوە دەست خۆشی لە هونەرمەندی بەرێز ماریا هەورامی وهاوکارنی ئەکەم بۆ ئەم کارە هۆنەریە جوان وسەرکەوتووە.

لە دنیای پێشکەووتووی ئەمرۆدا، لەم کارە ئاسایی تر نیە کە ئەم هونەرمەندە پێی هەستاوە، کەچی هەندی لە مەلاکان لە کوردستان وئیسلامیستەکان کەوتونەتە هیرش وجنیودان بە ماریاو هاوکارانی وسوکایەتی بە لاوان وهاوووڵاتیان ئەکەن. دیارە لە ئاستێکی کۆمەڵایەتی بەرێن لە کوردستاندا بەرپەرچی ئەم ئیسلامیستانە دراوەتەوە وبونەتە جێگەی تۆڕەیی وبێزاری خەڵک وگاڵتەجاریان.

پرسیاری سەرکەی لێرەدا ئەوە نیە کە بۆچی ئەو مەلا ئیسلامیستانە سوکایەتی وجنێوفرۆشی ئەکەن بە خەڵک چونکە وەلامەکەی روونە، ئەوێش ئەوەیە کە بە سادەیی ئەوان مەنهەجیان داعشیە. ئەوە ناسنامە وپڕاتیکیانە وئەم ‌‌هێرشەشیان لە ‌هێچ خانەیەکی تردا جێگەی نابێتەوە جگە لە خانەی داعشیەکان وئەوە نەک خەڵکی کوردستان بەڵکو سەرجەم بەشەریەتی ئەمرۆ ئەیزانێ. ئەسڵی مەسەلەکە شتیكی ترە وپرسیاریکی ترە ئەوێش ئەوەیە کە بۆ ئەبێ مەلا ئیسلامیستەکان خۆیان بکەن بە دەم ڕاستی کۆمەڵ وبە ناوی کۆمەڵەوە جنێوبدەن؟ وکێ ئەم ‌هەقەی داونەتێ؟ لە وەڵامدا مەلا ئیسلامیستەکان ئەڵین چونکە ئەم کارەی ماریا پیچەوانەی کۆمەلگەی ئیسلامی ئێمە یە وحرامە؟ گەر پێان بڵێین باشە بۆچی حرامە؟ پێت ئەڵی لە ئیسلامدا حەرام کراوە وتەواو ونوقتە سەری دێڕ؟

بەهەرحاڵ، ئەوان چەند وەڵام بدەنەوە پرسیارەکان زەقتر ئەبنەوە، وئەبێت بەوەی ئەی باشە بۆچی ئەبیت خۆشی وشادی وداهێنانی هونەری حەرام بێت؟ بۆ ئەبی كچیکی هونەرمەندی لێهاتوو لە ناو شارەکەی خۆیدا دا‌هێنانی هونەری بکات وخەڵک دلخۆش وکامەران بن بەڵام بە ناوی کۆمەڵ وحەرام وحەڵاڵەوە کەمپینی جنێودان بەڕێ بخرێ بەڕوویدا؟ بۆ ئەبێ بە گۆیرەی ئەم دەق وئەو دەقی مێژوویی گۆرانیەکەی حەرام بکرێت یا حەڵاڵ؟ خۆ ئەو ئەمرۆ گۆرانی ئەڵێت نەک لە دیان سەدەی ڕابوردوودا، ولە ووڵاتێکدا ووتویەتی کە ئینسانی هاوچەرخی تیا ئەژی، گەر بە شکڵیشی بێت یاسای خۆی هەیە، ماریه نە تاوانی کردووە ونە یاسای شکاندووە. ئەمانە وچەندەها پرسیاری تر بێ وەڵام ئەمێننەوە.

مەسەلەی سەرکی ئەوەیە کە رەوتی ئیسلامی سیاسی وهەموو تاقم وتاکە ئیسلامیستەکان سیاسەت ئەکەن وئیسلامیزم ئایدیولۆژیانە وبەرژەوەندی چینایەتی بورژوازیانە وتایبەتی خۆیانیان هەیە. گۆرانیە هونەریەکەی ماریا جێگەیان پێ لێژ ئەکات لە ناو کۆمەڵدا بۆیە والێیهاتونەتە سەر چنگ.
لە کاتێکدا کە بە هێچ جۆریک بۆ ‌هێج ئایدیلۆژیاو ومەزهەب وتاقمیک نیە کە بەر بە ئازادی وپێشکەوتنی کۆمەڵایەتی بگرێت وگورانی وخۆشی لە ئینسانەکان قەدەغە بکات، بەشیک لە مەلاکانی تر باسی ئەوە ئەکەن کە نەخێر ئەو کارەی ماریا وهاوکارانی لە دەروەی ئیسلامدا نیە وحەرام نیە ودەق ئەهێننەوە بۆی. بەم جۆرە مەلایانەش ئەڵێم پێویست ناکات خۆتان ئەزیەت بدەن چونکە ئازادی ژنان وگورانی وخۆشی ئینسانەکان پیویستیان بە رۆخسەت وپاسپۆرتی ئایدیۆلؤژی نیە.

هەر سەربەرز بیت هونەرمەندی بەڕیز ماریا هەورامی
١٥-٨-٢٠١٩

Previous
Next

Leave a Reply