Skip to Content

دەنگی خۆمان بۆ پشتیوانی لە دوو زیندانی سیاسی هۆشمەند عەلیپور و محەمەد وستا قادر دەرببڕین!

دەنگی خۆمان بۆ پشتیوانی لە دوو زیندانی سیاسی هۆشمەند عەلیپور و محەمەد وستا قادر دەرببڕین!

Closed
by ئاب 26, 2019 General

خەڵکی ئازادیخواز و یەکسانیخواز لە سەراسەری جیهان، پێویستە هەموومان پشتیوانی خۆمان بۆ دو چالاکوانی سیاسی هۆشمەند عەلیپور و محەمەد وستا قادر دەرببڕین وە هەروەها گوشار بۆ سەر کۆماری ئیسلامی بهێنرێت کە هەر چی زووتر ئەو دو زیندانی سیاسیە ئازاد بکرێن.

هەروەها داوا لە کاربەدەستانی هەرێمی کوردستانی عێراق دەکەین کە نابێ بەرامبەر بەو هەموو ناعەداڵەتیە و پێشلکردنی مافی تاکە کەسی ئەو دوو زیندانییە بێ دەنگ بن وە ئەوانیش هەمو حەولو توانای خۆیان بۆ ئازادکردن و پاراستنی گیانی هۆشمەند و محەمەد بەکار بهێنن.

هۆشمەند عەلیپور وەک چالاکوانێکی سیاسی و شۆڕشگێڕ بۆماوەی چۆار سال لە هەرێمی کوردستان چالاکیی سیاسی و شەڕی دژی داعشی تیرۆریستی کرد کە هەزاران مرۆڤی بێ تاوانیان لە سوریا و عێراق قەتڵوعام کرد، چەندین جار ئەو گروپە تیرۆریستییەی داعشیان لەناوچەکانی دۆز خورماتوو و مەخموور، پردێ و چەندین شوێنی تر تێکشکاند کە بەو هۆیەوە چەن جار بریندار بوو.

ئێمە داوا لە هەموو خەڵکی ئازادیخوازو شریف دەکەین بە هەر شێوەیەک دەتوانن پشتگیری خۆتان لەو دوو زیندانیە سیاسیە ڕوو بە هەموو ڕێکخراو و ناوندە جیهانێکان و مافی مرۆڤ ڕابگەیەنن و مەهێڵن گیانی دوو ئازیزی تر لە ژێر ئەشکەنجە ی وەحشیانەی رژێمی کۆماری ئیسلامیدا لە دەست بچێت!

هۆشمەند و محەمەد لەئیستادا بە تاوانی دژایەتی کردنی کۆماری ئیسلامی و چالاکی سیاسی لە زیندانی شاری سنەدا بەسەر ئەبەن وە لە وەزعیەتیکی دژوار و مەترسیداردان، هەروەها بنەمالە کانیان لە ناراحەتی و ناخۆشیەکی دژوار وە چاوەڕوانی گەڕانەوەی رۆلەکانیانن.

هوومان یەک دەنگ بین بۆ پاراستنی گیانی دوو چالاکوانی سیاسی وە داوای ئازادکردنیان بکەین!


کەمپەینی نەجاتی هۆشمەند عەلیپور
دووشەممە ٢٦ ئاگۆستی ٢٠١٩

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish