Skip to Content

56 Views

لە شیعری نوێی ئەڤغانییەوە  ئەلیاسی عەلەوی … و : نه‌ژاد عزیز سورمێ

لە شیعری نوێی ئەڤغانییەوە ئەلیاسی عەلەوی … و : نه‌ژاد عزیز سورمێ

Be First!
by August 26, 2019 General, Poems
image_print

(1)ـ بە پێڵاوی لۆكەوە

بە پێڵاوی لۆكە و
باڵتۆی سەوزەوە ،
لەسەر پەیژەكە دانیشتووی ..
بێ پێڵووبزاوتێك
لە گۆنات ڕاماوە .
هەناسەت ،
بۆ ڕێبوارانی ماندووی خۆرنشین ،
چایەكی گەرمە ..
تۆ دەڕۆی
جوانیشت
لەسەر پەیژە دانیشتووە .

(2)ـ لە دەساڵیدا كۆتاییم پێ هات
برسیم ،
وەك قورئانێك
هەزار ساڵە
دەلاقە دەبوغزێنێ ..

تینووم و
(عەباس) یش
هەموو ئاوەكەی
بۆخۆی دەویست !
پێستی سكم
بە ئێسقانی پشتمەوە نووساوە ..
سیمای براشم
لە هی من وێرانتر ..
من تێكشكاوم
وێنەی (كابول)ی دایكم و
(بوزا)ی باوكم ..
تەماشای هەنییەم كە !
من وەك ئەو سپییەتی و ڕەشاییە ،
لە بەردامە كۆتاییم پێ بێ ..

  • ئه‌لیاسی عه‌له‌وی شاعیری ئه‌فغانی ساڵی 1981 له‌دایك بووه‌ ، یه‌كه‌مین كۆشیعری ( من گورگێكم خه‌ون ده‌بینم) له‌ تاران بڵاوكردووه‌ته‌وه‌ ، ئێستا له‌ ئوستورالیا ده‌ژی .
    بۆ شیعری یه‌كه‌م بڕوانه‌ ماڵپه‌ڕی ( جدار الصوت ) ڕۆژی 11-12-2015 و شیعری دووه‌م له‌ ڕۆژنامه‌ی (العالم)ی عێراقی ژماره‌ی ڕۆژی 22-12-2015 كراوه‌ به‌ كوردی .
Previous
Next

Leave a Reply