Skip to Content

28 Views

لە سەر سەکۆی چاوەڕوانی … سەرهەنگ خامۆش

لە سەر سەکۆی چاوەڕوانی … سەرهەنگ خامۆش

Be First!
by August 28, 2019 General, Poems
image_print

کەتۆ هاتیت
هێشتا پاسارییەکانی موحیبەت
لە خەو هەڵنەستابوون
کات خەریکی هۆنینەوەی
حەیرانێکی دیکە بوو بۆ زەمەن…

کە تۆ هاتیت
کەنار ماڵئاوایی لەخۆر دەکرد
شەقامەکان خاڵی بوون لە چاوەڕوانی
شار تازە باوەشکی دەدا…

کەتۆ هاتیت
من دەمێک بوو چاوەکانم
لەم تولە ڕێگایەی دەڕوانی
کە لەبەردەم دەرگای دڵی مندا
تەواو دەبوو…

کە تۆ هاتیت
لەمن زێتر
هیچ شتێک وەئاگا نەبوو
لەسەر سەکۆی چاوەڕوانی
هەر خەریکی ژماردنی چرکەکان بووم…

کە تۆ هاتیت
هەر وەک گزنگ لە پەنجەرەی
هەموو ماڵێکدا چویتە ژوورەوە
سڵاوێکت لە هەموو
کوچەو کۆڵانەکانی شار کرد
من نەبێت…

Previous
Next

Leave a Reply