Skip to Content

144 Views

شوێنه‌وارناسه‌كان توێژێكی گرنگی كۆمه‌ڵگان  نووسینی … ئه‌حمه‌د كامه‌ران

شوێنه‌وارناسه‌كان توێژێكی گرنگی كۆمه‌ڵگان نووسینی … ئه‌حمه‌د كامه‌ران

Be First!
by August 31, 2019 General
image_print

له‌ به‌شێك له‌ وتار و بابه‌ته‌كانی ڕابردووم كه‌ تایبه‌ت بوون به‌ باسێكی بچووكی زانستی شوێنه‌واری كه‌ هه‌ندێك زانیاریم خسته‌ ڕوو بۆ خوێنه‌ری ئه‌زیز ڕه‌نگه‌ له‌ ئاستی پێویستیش نه‌بووبێت بۆ خوێنه‌ر, به‌ڵام بۆ ئێستا ڕه‌نگه‌ هه‌ر ئه‌وه‌نده‌م له‌توانادا هه‌بووه‌ ,چوونكه‌ خۆم ئێستا وه‌كو قووتابیه‌كی شوێنه‌وارناس یاخود وه‌كو كادیرێكی شوێنه‌واری له‌ ڕاهێنان كردن داین بۆ خزمه‌تكردنی ناوچه‌ شوێنه‌واریه‌كان له‌ داهاتوو دا ,به‌ڵام هه‌رچه‌ندیش له‌ توانام دابێت ئه‌م زانسته‌ ده‌خه‌مه‌ ڕوو بۆ خوێنه‌ری ئه‌زیز چوونكه‌ ئه‌م زانسته‌ زۆر پێویستی به‌ خستنه‌ڕوو و شیكردنه‌وه‌ی زیاتر هه‌یه‌.
به‌ڵام ئه‌م جاره‌ ده‌مه‌وێ هه‌ندێ قسه‌ بكه‌م سه‌باره‌ت به‌ تاكی شوێنه‌وارناس كه‌ ئه‌م توێژه‌ توێژێكی گرنگی كۆمه‌ڵگان هاوشانی توێژه‌كانی تر,به‌ڵام ئه‌وه‌ی به‌لای منه‌وه‌ جێگای داخه‌ یاخود جێگای نیگه‌رانیه‌ كه‌ به‌شێكی كۆمه‌ڵگا ناوی ئه‌م توێژه‌یان به‌لاوه‌ نامۆیه‌ یاخود به‌لایانه‌وه‌ ناوێكی تازه‌یه‌, ئه‌مه‌ش هۆكاری یه‌كه‌می ده‌گه‌ڕێته‌وه‌ بۆ لایه‌نی په‌یوه‌ندیدار كه‌ گرنگیه‌كی ئه‌وتۆ نادرێت به‌م توێژه‌, یان دبینم له‌ زۆربه‌ی وڵاتان دا به‌هۆی گرنگی دان به‌م توێژه‌و له‌گه‌ڵ ته‌واوی به‌شه‌كه‌ هه‌ستاون به‌ كردنه‌وه‌ وه‌زاره‌تێكی تایبه‌ت به‌م به‌شه‌وه‌ كه‌ خزمه‌تی شوێنه‌وارو شوێنارناسه‌كان ده‌كات, به‌ڵام لێره‌دا ته‌نها به‌ڕێوبه‌رایه‌تیه‌كی بچووكمان هه‌یه‌ تایبه‌ت به‌ شوێنه‌وار و شوێنه‌وارناسه‌كان كه‌ ناتوانێت كاره‌كانی به‌ته‌واوه‌تی ڕاپه‌رێنێت,وه‌ هۆكاری دووه‌میش ئه‌وه‌یه‌ كه‌ ده‌زگاكانی ڕاگه‌یاندن ڕۆژانه‌ چه‌ندین پڕۆگرامی جۆراوجۆر پێشكه‌ش ده‌كه‌ن ,وه‌ له‌گه‌ڵ میوانداری زۆر له‌كه‌سایه‌تی توێژه‌ جیاوازه‌كانی كۆمه‌ڵگا ده‌كه‌ن, به‌ڵام له‌ نێویاندا به‌رنامه‌یه‌كی شوێنه‌واری به‌ ئه‌سته‌م ده‌بینرێت كه‌ شوێنه‌وارناسێك یاخود شاره‌زایه‌كی ئه‌م بواره‌ میوانداری بكرێت بۆ ئه‌وه‌ی به‌رده‌وام ئه‌م زانسته‌ فراوانه‌ كه‌ بۆ تاكی كۆمه‌ڵگاكه‌ی بخاته‌ ڕوو, تاوه‌كو زیاتر ئاشنای شوێنه‌وارو مێژوو و كه‌له‌پووری وڵاته‌كه‌ی بێت , چوونكه‌ ئه‌م زانسته‌ وه‌كو مۆبایلێك وایه‌ به‌ردوام ئه‌بده‌یت ده‌بێته‌وه‌ وه‌ شتی نوێتر ده‌دۆزرێته‌وه‌ كه‌ پێویستیان به‌ خستنه‌ڕوو هه‌یه‌.
له‌ كۆتایی وتاره‌كه‌م ئه‌وه‌ ده‌ڵێم كه‌ هیوادارم ئه‌م كابینه‌ نوێیه‌ی حكومه‌ت , ببێته‌ ده‌رگایه‌كی باش بۆ خزمه‌تكردنی ناوچه‌ شوێنه‌واریه‌كان و وه‌ گرنگی دانی زیاتر به‌ توێژی شوێنه‌وارناس, چوونكه‌ ئه‌م توێژه‌ به‌ پارێزه‌ری مێژوو و كه‌له‌پووری وڵات داده‌نرێن كه‌ ته‌مه‌نی خۆیان ده‌به‌خشنه‌ خزمه‌ت شوێنه‌واره‌ كۆنه‌كانی وڵاته‌كه‌یان بۆ نه‌وه‌كانی دوای خۆیان كه‌ بۆ ئه‌وه‌ی شانازی به‌ ڕابردووی خۆیانه‌وه‌ بكه‌ن كه‌ وڵاته‌كه‌یان خاوه‌نی چ جۆره‌ مێژوویه‌كی گه‌وره‌ و سه‌ر سووڕهینه‌ره‌.

Previous
Next

Leave a Reply