Skip to Content

نمایش کردنی “ماڵی دۆست له‌ کوێێه‌؟” له‌ ده‌رهێنانی “عه‌باس کیارۆسته‌می” له‌ ئیسفه‌هان

نمایش کردنی “ماڵی دۆست له‌ کوێێه‌؟” له‌ ده‌رهێنانی “عه‌باس کیارۆسته‌می” له‌ ئیسفه‌هان

Closed
by ئه‌یلول 2, 2019 Cinema, General

مەنووچێهر جیهانی ـ ئه‌مساڵ حه‌وت به‌رهه‌م له‌ به‌شی فیلمه‌ نۆژه‌نکراوه‌کانی سینه‌مای منداڵان و پێنج به‌رهه‌م له‌ به‌شی فیلمه‌کانی پڕ له‌ یاد و بیره‌وه‌ریی له‌ فیستیڤاڵی نێونه‌ته‌وه‌یی فیلمه‌کانی منداڵان و مێرمنداڵانی ئێران نمایش ده‌کرێن.
به‌ پێی راپۆڕتی لێژنه‌ی په‌یوه‌ندییه‌کان و راگه‌یاندنی سی‌ودووهه‌مین خولی فیستیڤاڵی نێونه‌ته‌وه‌یی فیلمه‌کانی منداڵان و مێرمنداڵانی ئێران، فیستیڤاڵی ئه‌مساڵ میوانداریی به‌شێکه‌ به‌ ناونیشانی “نمایش کردنی فیلمه‌ نۆژه‌نکراوه‌کانی سینه‌مای منداڵانی ئێران”.
ناوه‌کانی ئه‌و فیلمانه‌ی که‌ له‌م به‌شه‌دا نمایش ده‌کرێن، بریتین له‌؛ “ساز ده‌هه‌نی” له‌ ده‌رهێنانی ئه‌میر نادری، “ماڵی دۆست له‌ کوێێه؟‌” له‌ ده‌رهێنانی عه‌باس کیارۆسته‌می، “نیاز” له‌ ده‌رهێنانی عه‌لیڕه‌زا داوودنیژاد، “به‌رهه‌مه‌ هه‌ڵبژارده‌کانی بنکه‌ی بارهێنانی هزریی منداڵان و مێرمنداڵانی ئێران”، “شاری مشکه‌کان” له‌ ده‌رهێنانی مه‌رزیه‌ بروومه‌ند، “دزی بووکه‌ڵه‌کان” له‌ ده‌رهێنانی محه‌مه‌دڕه‌زا هونه‌رمه‌ند و “پاتال و ئاواته‌ چکۆله‌کان” به‌رهه‌می مه‌سعوود کرامه‌تی.
ئه‌م فیلمانه‌ له‌ دوو سینه‌مای په‌ردیسی سینه‌مایی چوار باغ له‌ هۆڵی چل ستوون و له‌ هۆڵی ئیسفه‌هان سیتی سه‌نته‌ری 4 نمایش ده‌کرێن.
هه‌روه‌ها له‌ فیستیڤاڵی ئه‌مساڵ به‌شێک به‌ ناونیشانی نمایش کردنی فیلمه‌کانی پڕ له‌ یاد و بیره‌وه‌ری له‌به‌ر چاو گیراوه‌ که‌ پێکهاتووه‌ له‌ فیلمه‌کانی “یه‌کێک بوو، یه‌کێک نه‌بوو” له‌ ده‌رهێنانی ئیره‌ج ته‌هماسب، “خوشکه‌ غه‌ریبه‌کان” به‌رهه‌می کیوومه‌رس پوورئه‌حمه‌د، “کڵاو سوور” له‌ ده‌رهێنانی ئیره‌ج ته‌هماسب، “پشیله‌ی ئاواز خوێن” به‌رهه‌می کامبۆزیا په‌رته‌وی و “شاری مشکه‌کان” به‌رهه‌می مه‌رزیه‌ بروومه‌ند.
ئه‌م فیلمانه‌ بڕیار وایه‌ له‌ په‌ردیسی سینه‌مایی هونه‌ری ئیسفه‌هان نمایش بکرێن.

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish