Skip to Content

57 Views

سه‌فه‌ر …  ستار ئه‌حمه‌د

سه‌فه‌ر … ستار ئه‌حمه‌د

Be First!
by September 9, 2019 General, Poems
image_print

سه‌فه‌ر زامێكه‌ به‌ قووڵی عه‌شقی خاك
له‌ جه‌رگما سه‌ر ده‌كاو ده‌بێته‌ خه‌ونێك ئاڵ
نیگام ده‌ته‌نێ‌و سه‌ما به‌ رۆحی ئالوده‌م ده‌كا
له‌ قه‌ده‌ر خوڵقاوین
به‌ مردن ئاشناین‌و
به‌ چرۆی نه‌مامی حه‌زه‌وه‌ لكاوین
چیایه‌ك له‌ خۆزگه‌ , رووبارێك له‌ تینوێتی
ده‌بێته‌ چاوه‌ڕوانی‌و
له‌ زه‌ریای تاسه‌دا ده‌خنكێن
له‌ زاری بولبول فێری مۆسیقاو
له‌ به‌سته‌ زمانی په‌پووله‌
تێكه‌ڵی پاكیی گوڵ ده‌بین
له‌وه‌ته‌ی كۆچێك نزارێك به‌ قاسپه‌ قاڵده‌كا
راوچیه‌ك كه‌نارێك له‌ نه‌غمه‌ی باڵدارێك تاڵده‌كا
گۆرانی بووه‌ته‌ میوانی گوزه‌رمان
به‌ شیعر ئه‌شكه‌نجه‌ی ناخمان ده‌رده‌بڕین
بۆیه‌ كه‌ژانێك سه‌راپا جه‌سته‌م داده‌گرێ
داڵده‌ له‌ په‌یڤی ئاڵ هه‌ڵده‌كێشم
باده‌ی ته‌نهایی نۆش ده‌كه‌م
كه‌ ده‌ورم چۆڵ ده‌بێ‌و له‌ جه‌رگم ده‌تۆرێم
گڕی كۆچێكی ناوه‌خت خۆش ده‌كه‌م


ستار ئه‌حمه‌د

Previous
Next

Leave a Reply