سه‌فه‌ر … ستار ئه‌حمه‌د
سه‌فه‌ر زامێكه به قووڵی عه‌شقی خاك
له جه‌رگما سه‌ر ده‌كاو ده‌بێته خه‌ونێك ئاڵ
نیگام ده‌ته‌نێ‌و سه‌ما به رۆحی ئالوده‌م ده‌كا
له قه‌ده‌ر خوڵقاوین
به مردن ئاشناین‌و
به چرۆی نه‌مامی حه‌زه‌وه لكاوین
چیایه‌ك له خۆزگه , رووبارێك له تینوێتی
ده‌بێته چاوه‌ڕوانی‌و
له زه‌ریای تاسه‌دا ده‌خنكێن
له زاری بولبول فێری مۆسیقاو
له به‌سته زمانی په‌پووله
تێكه‌ڵی پاكیی گوڵ ده‌بین
له‌وه‌ته‌ی كۆچێك نزارێك به قاسپه قاڵده‌كا
راوچیه‌ك كه‌نارێك له نه‌غمه‌ی باڵدارێك تاڵده‌كا
گۆرانی بووه‌ته میوانی گوزه‌رمان
به شیعر ئه‌شكه‌نجه‌ی ناخمان ده‌رده‌بڕین
بۆیه كه‌ژانێك سه‌راپا جه‌سته‌م داده‌گرێ
داڵده له په‌یڤی ئاڵ هه‌ڵده‌كێشم
باده‌ی ته‌نهایی نۆش ده‌كه‌م
كه ده‌ورم چۆڵ ده‌بێ‌و له جه‌رگم ده‌تۆرێم
گڕی كۆچێكی ناوه‌خت خۆش ده‌كه‌م
ستار ئه‌حمه‌د
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
