Skip to Content

107 Views

با لە تەنیشت بێتاقەتییەوە  ستارەیەک بگرین … زانا سامان

با لە تەنیشت بێتاقەتییەوە ستارەیەک بگرین … زانا سامان

Be First!
by September 10, 2019 General, Poems
image_print

دەبێت بڕژێین
وەک ڕژانی ئاو
لە دەمی مناڵیدا
بۆ بە قوڕاوکردنی ژیان،
دەبێت بتۆرێین
وەک تۆرانی یەکتر
لەکاتی هەڵماتێندا
دەبێت بڕەنجێین
وەک ڕەنجانی یاری ماڵە باجێنە،
ئاخر کێ دەڵێ… کێ
من دەبمە پیاوێکی
سەنگینی تۆ و
دڵتم پێ … ڕادەگیرێت،
دەبێت بڕۆین و
لە فراوانی باخچەیەکدا
سوێند بخۆین
سوێندێکی درۆیانە
سوێند بخۆین سوێندی عیشق،
دەبێت وا بکەین …
وا بکەین پەپولەکان بهێنینە
گفتوگۆ …
وا بکەین هەر زوو
بەیانییەکی زۆر زووتر
بگەینە دوا مەنزڵی
یەکدی،
دەبێت کارێک بکەین
خۆر لەو دووری دوورەوە
ببێتە ئاشنامان و
بەیانیان …
عیشقمان بەسەردا بپژێنێ،
دەبێت وابکەین
دیلبەرا …
لای کانییەکی ‌لاچەپ
دوعا خووساوەکانمان
بۆ یەکتر
بخوێنینەوە،
لەوسەری جادەکانی مناڵییەوە
هاوار لە خۆشەویستی بکەین،
لەوپەڕی وجودەوە … خۆمان
خۆمان لە یەکدیدا بدۆزینەوە،
دەبێت کارێک بکەین
کارێک بۆ تێکەڵبوون بە …
حونجەکردنی یەکدی
بە خوێندنەوەی تەمەن
بە گوێگرتن …
لە نزاکانی تەنیایی
بە ڕژانێکی ئەبەدی
لەدەمی …
باڵقبوونی مانگدا
لە تێفکرین …
بەخەیاڵی مناڵێکی هاوبەشەوە
لەکاتی پژانی ئەویندا،
دەبێت وا بکەین …
شتێک بکەین
بێتام ڕۆبچینە ژیانەوە،
دەبێت کاری لەسەر بکەین.

پێشکەشە بە دیلبەری من کە تەنیایمی خاپوور کرد

زانا سامان
9 سێپتێمبەری 2019

Previous
Next

Leave a Reply