Skip to Content

خوورپەکانی مناڵی … یان  گەمەی عاشقە جێماوەکان … زانا سامان

خوورپەکانی مناڵی … یان گەمەی عاشقە جێماوەکان … زانا سامان

Closed
by ئه‌یلول 13, 2019 General, Poems

لەوێ لەژێر گڵۆپە زەردەکەی
پێش دەرگای ماڵ
خۆمان خەریکدەکەین
بەتەماشاکردنی
ئەو مێشوولە وردانەی
وەک فسفۆر دادەگیرسێن،
ئیدی بیرمان دەچێتەوە و
بیرمان بەقوڕی ڕەشدا دەچێت
ئێمە عاشقی …
یارییەکانمانین
مەلیلی گەیشتن بەیەکدیمان
تێداڕواوە،
بیرمان دەچێتەوە کە …
سەدان شەو لە خەوەکانماندا
ببووینە ژن و مێرد
لەبریی ماڵە باجێنەکەت و
بووکە شووشەکەت
ماڵێکی گەورە و
کیژۆڵەیەکی قژ زەردم
بۆ درووستکردبوویت،
لەوێ لەژێر گڵۆپە زەردەکەی
پێش ماڵ
دەمانویست خەریکی ڕاوە کوولە ببین و
کەسیشمان … بەڵێ … کەسیشمان
جورئەتی ئەوەی نەبوو .. نا
دەستیان بۆ بەرێت
هەتا لەپڕدا …
شەمشەمەکوێرەیەک خێرا
وەک کۆپتەرەکانی عێراق خێراتر
پڕی پێدا دەکردن و دەیبردن بۆ خۆی،
کچێ بڵێی هەر ئەو شەمشەمەکوێرەیە نەبێت
من و تۆی لێکدوورخستەوە
کیژۆڵە بڵێی ئەو نەبێت؟؟.

زانا سامان

Previous
Next
Kurdish