با وای دانێم … درۆ ناکەم … زانا سامان
Closed
باوا بدوێم
کە ڕەنگە ڕۆژێک
لەنێو بەستەڵەکی چیایەکدا
ڕەقداگەڕێم،
با وای دانێم …
دێم و …
لای کانییەکەی بەرماڵان
گۆرانییەکی خالقیت بۆ دەڵێم
هێشتا …
نەزاکەتی دووریت
لکاوە بە بینمدا و
لای گۆرانییەکەی سابووری
بەدەم گریانەوە ..
تا قوڵایی خوود
ئەی یاری نازدار ..
دەرد لە من و کەچی
ڕەنگە وا بێت و وا نەبێت،
با .. وای دانێم و کەچی
باوەشێکت ئەگات و
من ….
هێشتا بۆنی غەریبیم لێدێت،
با وای دانێم … درۆ ناکەم
باوابزانی نەزاکەتەکانت
تەسکینی ڕۆحم ئەدات و
گومانم نییە
وایش نییە،
باواتێبگەیت
هێشتاکە هەر …
مناڵە سالارەکەی ئەوێی گەڕەکم و
خرۆشاوێکی غەریب و
وادەزانیت هێشتاکە
لەوێم … لە کوچەی کۆڵان،
با وای دانێین … ڕژاوم
وەک ڕژانی ئاو
بەسەر پرچت دا
لە دەمی سەرشۆریندا
وەک ڕژانی ئاو
بەسەر تەرمی
ساردەوە بووی مەرگی مندا.
زانا سامان
14 سێپتەمبەری ـ2019
Hannover
