Skip to Content

ڕێکنەکەوتن … نەوزاد بەندی

ڕێکنەکەوتن … نەوزاد بەندی

Closed
by September 22, 2019 General, Poems

تۆ و باران و
چەتر و من و قاوە
نەمانتوانی کۆ بینەوە

ھەتا من و قاوە و باران
کۆ بووینەوە
تۆ و چەتر غایب بوون

تا تۆ و قاوە و چەتر
ئامادە بوون
من و باران
بە دەست شیعرێکەوە
گیرمان خواردبوو ..

تا قاوە و چەتر و باران
کۆ بوونەوە ،
من و تۆ شەڕمان بوو ..

کۆ نەبووینەوە
تەنانەت جارێکیش کۆنەبووینەوە ..
من و قاوە و باران و تۆ و چەتر

Previous
Next