Skip to Content

لە ناوەڕاستی دونیادام …  زانا سامان

لە ناوەڕاستی دونیادام … زانا سامان

Closed
by ئه‌یلول 22, 2019 General, Poems

لێرە باران …
هەر بە تەنها خۆی نییە
نمەی شیعریشە
لەژێر چەرداغی گێڕانەوەدا،
هەتاوێک هەیە
خۆر ئەیپرژێنێت
یارییەکی بزێوی مناڵی هەیە
خودا .. دەیلاوێنێ
لێرە عاشقەکان زیزنابن
لەیەکدیی
میکیاج و سووراو و سپیاو
بوونی نییە،
موجەفیفە …
شتێکی هێند قێزەونە
ژنەکان بێزی لێدەکەنەوە
لێرە شتێک نییە ناوی شۆردن بێت
جلشۆرین
قاپشۆرین
خۆشۆرین
مناڵشۆرین
تەنها شۆرتێک و هیچی تر
تەنها ڕامووسانێک و هیچیتر نا
تەنها زەردەخەنەیەکی
عاشقانەی ناو
کۆڵانە تەنگەبەرەکانی وجوود
بوونی هەیە،
خرۆشان بەدیار
بڵێی تاکەی لەو دەرگایە
ڕابمێنم و
دەردەرکەوەی
شێرکۆ تاڵیب
پوولێکی قەڵب ناهێنێت،
ئاخر هەموو شتێک خۆیەتی
بۆ نموونە:
ئاو … خوودی ئاو خۆیەتی
ماسیی … خوودی ماسیی
خۆیەتی و
دواجار …
هەموو شتەکان خۆیانن
تەنها تۆ نەبێت
تێزابی ڕژاو
بەسەر جەرگمدا
لمی پەرتبوو بە خۆتدا،
لێرە تێکەڵەیەک هەیە
لە خوودناسیی
لە بێمەکریی ژنانە
لەناز هەڵگرتنی وجوود،
لێرەم …
لە کرۆپکی دنیادا.

زانا سامان
۲۱ سێبتەمبەریی ۲۰۱۹
کارئەکتەری ناو فۆتۆکە
تۆفیق جاف

Previous
Next
Kurdish