Skip to Content

66 Views

عەشقی موتوربەکراو … عارف کوردە

عەشقی موتوربەکراو … عارف کوردە

Be First!
by September 24, 2019 General, Poems
image_print

دڵم شەیدای تۆیە
تۆش لە بای هەوەسدا
سووڕ دەخۆیت،
منیش گۆرانی عاشقانە دەچڕم و
لەگەڵ نەغمەی باراندا
سەرمەستانە سەمادەکەم..

چ خەیاڵێکی پووچە؟
ناگەم بەتۆو
بەدوای ڕمڵدا غار ئەدەم
لەخۆڕا بوومەتە،
مۆمی شەوانت
بوومەتە گۆچانی دەست و
ناهێڵم بەکوێرەرێدا بڕۆی
هەرچەندەکەم
لەسەر هەوای خۆت
نایەیتە خوارەوەو
لەزامەکانما جووقەرە دەکەیت
گەوجێتیە..!
خۆم دەکەم بەقەقنەس و
بۆ تۆ ئەسووتێم..
بەعەشقێکەوە گلاوم
نامورادی لێ ئەڕوێ
چونکە بە ئەشک موتوربەکراوە
بۆیە تامی سوێراو ئەداو
لەناخمدا فرمێسک سەوز ئەبێ و
چاوم گۆلاوی خوێیە
سوورەتاوی دووریت
هەڵمدەپڕوکێنێ
لە زەماوەندی خۆتدا
هەودای کەزیەکانت
ئەخەیتە ملم و
بەدووای ئۆتۆمبێلە
رازاوەکەدا رامدەکێشی
بەئاستەم هەناسە ئەدەم
لەسەر عەرشی
لەزەت دانیشتوویت و
لەخەمی ئەوەدای
جێ لەق نەبی
نەبادە بگەرێیتەوە
بۆ ڕۆژانی زووخاو
بۆ ڕۆژانی کۆڵەپشت و
تەقەتەقی دەرگای ماڵان
ئەی عاشقی دۆڕاو
شۆراوی بەئاوی بێشەرمی
ماکیاژەکەت لاچووەوەو
چەند دەعبایەکی ڕەزاقورسی؟

Previous
Next

Leave a Reply