بە “خوشکانی جەنگ” چوارەمین خولی فێستیڤاڵی فیلمی نێودەوڵەتی “سلێمانی” دەکرێتەوە
مەنسوور جیهانی ـ بە نمایشی فیلمی سینەمایی “خوشکان جەنگ” لە دەرهێنانی “کاڕۆلینا فورێست” چوارەمین خولی فێستیڤاڵی فیلمی نێودەوڵەتی “سلێمانی” دەست پێدەکات.
بە پێی ڕاپۆڕتی لێژنەی ڕاگەیاندنی گشتیی فێستیڤاڵی فیلمی نێودەوڵەتی سلێمانی، فیلمی سینەمایی “خوشکان جەنگ” Sisters in Arms لە نووسین و دەرهێنانی سینەماکاری فەڕەنسی “کاڕۆلینا فورێست” Caroline Fourest و بە ڕۆڵ بینینی “دیلان گۆین” Dilan Gwyn، “ئەمیرە کەسەر” Amira Casar، “کامێلیا جۆڕدانا” Camélia Jordana، “مایا سانسا” Maya Sansa، “ئێشفێر گێڕال” Esther Garrel، “نانە بلۆندێل” Nanna Blondell، “کۆکماز ئەرسلان” Korkmaz Arslan، “نووش سکۆگێن” Noush Skaugen، “مارک ریدێر” Mark Ryder و “یۆسف دووزۆ” Youssef Douazou کاتژمێر 8ی ئێوارێی ڕۆژی سێشەمە 1ی ئۆکتۆبەری 2019 لە ڕێوڕەسمی کردنەوەی چوارەمین خولی فێستیڤاڵی فیلمی نێودەوڵەتی “سلێمانی” Slemani لە تەلاری هونەر لە شاری سلێمانی پایتەختی رۆشنبیری هەرێمی کوردستان نمایش دەکرێت.
فیلمی سینەمایی “خوشکان جەنگ” بۆ یەکەمین جار لە ئاستی دنیادا لە شەست و نۆیەمین خولی فێستیڤاڵی فیلمی نێودەوڵەتی “بەڕڵین” لە وڵاتی ئەڵمانیا نمایش کرا و بۆ یەکەمین جاریش لە ئاستی ڕۆژهەڵاتی ناوەڕاستدا لە شاری سلێمانی پێشکەشی هۆگرانی هونەری سینەما دەکرێت.
چواره‌مین خولی فێستیڤاڵی فیلمی نێوده‌وڵه‌تی “سلێمانی” له لایه‌ن کۆمپانیای سینه‌مایی “مه‌ستی فیلم” به به‌ڕێوه‌به‌رایه‌تی “فوئاد جه‌لال”، به سه‌رۆکایه‌تی “مه‌لا به‌ختیار” به‌رپرسی به‌شی پاڵپشتیی ئه‌م فێستیڤاڵه و له که‌سایه‌تییه‌کانی به‌رجه‌سته‌ی سیاسیی هه‌رێمی کوردستانی عێراق، به به‌ڕێوه‌به‌رایه‌تی هونه‌ریی “دانه‌ر عومه‌ر فارس” و به به‌ڕێوه‌به‌رایه‌تی به‌رنامه‌داڕشتنی خاتوو “لینا ره‌زا” و به نمایش کردنی 134 فیلم له ده‌رهێنه‌ره‌کانی ٧٨ وڵاتی جیهان؛ پێکهاتوو له به‌رهه‌مه‌کانی ساڵانی 2018 و 2019ی زایینی له دوو به‌شی رکابه‌ریی سه‌ره‌کیی “سینه‌مای جیهان” (نێوده‌وڵه‌تی) که بریتییه له؛ به‌رهه‌مه‌کانی درێژی سینه‌مایی و کورته فیلم، به‌ڵگه‌فیلم، ئه‌نیمه‌یشێن و ئه‌زموونی و به‌شی رکابه‌ریی “سینه‌مای کوردی” (نه‌ته‌وه‌یی) که بریتییه له؛ به‌رهه‌مه‌کانی درێژی سینه‌مایی و کورته فیلم، به‌ڵگه‌فیلم، ئه‌نیمه‌یشێن و ئه‌زموونی و هه‌روه‌ها سازدانی وۆرکشۆپه‌کانی پسپۆڕانه‌ی سینه‌مایی و کۆڕ و کۆبوونه‌وه‌ی به‌رهه‌مهێنانی هاوبه‌ش؛ به دروشمی “شێرپه‌نجه‌ی زه‌وی” له رۆژانی 1 تا 7ی ئوکتۆبه‌ری 2019ی زایینی له 5 هۆڵی “سیتی سینه‌ما”، “سینه‌ما سالم”، هۆڵی “ئه‌منه سووره‌که” و هه‌روه‌ها له ته‌لاری “هونه‌ر” له شاری سلێمانی پایته‌ختی فه‌رهه‌نگ و هونه‌ری هه‌رێمی کوردستانی عێراق به‌ڕێوه‌ده‌چێت.
له لایه‌ن ئه‌ندامانی ده‌سته‌ی ناوبژیوانی فێستیڤاڵی فیلمی نێوده‌وڵه‌تی “سلێمانی” 14 خه‌ڵاتی ته‌ندیسی زێڕینی “کاجی زێڕین” و خه‌ڵاتی پاره‌ی نه‌غدی که بریتییه له به‌شی رکابه‌ریی فیلمه درێژه‌کانی “سینه‌مای جیهان” و “سینه‌مای کوردی”؛ به باشترین فیلمی نێونه‌ته‌وه‌یی، باشترین ده‌رهێنان، باشترین ده‌قی سیناریۆی فیلم، باشترین وێنه‌گرتنی فیلم، باشترین کورته فیلمی نێونه‌ته‌وه‌یی و خه‌ڵاتی تایبه‌تی ده‌سته‌ی ناوبژیوان به هه‌ڵبژێردراوان پێشکه‌ش ده‌کرێت و هه‌روه‌ها له به‌شی رکابه‌ریی کورته فیلمه‌کانی “سینه‌مای جیهان” و “سینه‌مای کوردی” خه‌ڵاته‌کانی باشترین فیلمی نه‌ته‌وه‌یی، باشترین ده‌رهێنان، باشترین ده‌قی سیناریۆی فیلم، باشترین فیلمی به‌ڵگه‌یی، باشترین کورته فیلمی نه‌ته‌وه‌یی و خه‌ڵاتی تایبه‌تی ده‌سته‌ی ناوبژیوان به براوه‌کانی ئه‌م فیستیڤاڵه پێشکه‌ش ده‌کرێت و 4 خه‌ڵاتی تایبه‌ت له لایه‌ن کۆمپانیای سینه‌مایی “مه‌ستی فیلم”، له‌وانه: خه‌ڵاتی شکۆمه‌ندی، خه‌ڵاتی “ئه‌حمه‌د کایا” گۆرانیبێژی ناوداری کورد، خه‌ڵاتی شه‌هید “په‌رچه‌م” (یه‌که‌مین کچی کورد که له شه‌ڕ له‌گه‌ڵ گرووپی تیڕۆریستی داعش شه‌هید بوو) و هه‌روه‌ها خه‌ڵاتی “ته‌ها که‌ریمی” سینه‌ماکاری کۆچکردووی کورد پێشکه‌ش ده‌کرێت.
بەڕێوەبەرایەتی ڕاگەیاندنی گشتیی فێستیڤاڵی فیلمی نێودەوڵەتی سلێمانی.
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
