داهاتوو،به‌ردێك له رابردوو گرتمه ژیان … دانا ئه‌حمه‌د
مرۆڤ به زۆری باسی ئه‌و شتانه ده‌كات كه نیه‌تی
مردن شتێكه هه‌یه،
بۆیه من له‌م دێرانه‌دا
باسی ژیان ده‌كه‌م…
به‌دوای ده‌رمانێكدا ده‌گه‌رێم
رابردووم تیمار بكات،
رابردوویه‌كی باش
داهاتویه‌كی باشه…
رۆژانه،
جانتای ژیان
پرده‌كه‌م له مه‌راق و
هه‌نگاوه ره‌نگاوره‌نگه‌كانی ته‌مه‌ن
له شه‌قامه ره‌شه‌كاندا ده‌نێم…
له پاڵه‌وانی فیلمێك ئه‌چم،
هه‌موو شتێكم له ده‌ست دابێت
رۆحم نه بێت.
رقم له‌و دێره‌یه كه پێكه‌نینێكی شكاوه ده‌ڵێت
سه‌ركه‌وتن واتا قوربانیدان!
زه‌وی پڕبوو له شه‌قام،
شه‌قامه‌كان پر بوون له‌و هێمایانه‌ی كه رێگان نیشان ده‌دات.
سیزیفانه، ناچار ملی رێگایه‌ك ده‌گرم
كه له زه‌مین نامباته ده‌ره‌وه!
Dengekan
دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.
