Skip to Content

31 Views

بێنە ماچ کچم … سمکۆ ئەحمەد

بێنە ماچ کچم … سمکۆ ئەحمەد

Be First!
by October 13, 2019 General, Kids Literature
image_print

دەمت بێنە نەبا ئەمە دوا ماچمان بێ
دایکت دەڕوا مێژوو بکڕێ
گەر ڕۆژێ گەورەبووی
وینەی منت لە گۆڤارێکی تورکیدا دی
نەکەی بڕوا بکەی بەو مانشێتەی دەڵێ
تیرۆریستێكی ئەتایست ئەمڕۆ کوژرا
مێژووی ڕاستی پشتی دایکتە
خەتێکی چەقۆی عوسمانەو
یەکیکی دی سەدامەو وئەوی تریشیان
ترامپ و نازانم کێ و کێ و ئۆردوغانە

بێنە کچم دەمت بێتە ئەز دچم
نەبا ئەمە دواماچمان بێ
من دەڕۆم هەتاو بکڕم
گەر ئەم بەهارەش گوڵی نەگرت
دوو دڵ نەبی
بەهارێك دێت نەك لە خونچە گوڵ
لە خونچەوە
چۆلەکەکانی بەهەشت سەریان هەڵدێ
ئەو بەهارەش ئەبەدیەو هەرگیز نامرێ

بێنە ماچ کچم دەمت بێتە
کات درەنگە دەبێ بڕۆم

سمکۆ ئەحمەد
۲٠۱۹

Previous
Next

Leave a Reply