Skip to Content

113 Views

ڕۆژ … ئاوا نابێت  ناچەمێت …. زانا سامان

ڕۆژ … ئاوا نابێت ناچەمێت …. زانا سامان

Be First!
by October 15, 2019 General, Poems
image_print

من هیچ ناڵێم
ناچمەوە سەر مێژووی غەدر
کوردبوونی خۆمم خۆشئەوێ و
لایەکی دڵم پڕژانە،

من هیچ ناڵێم
خوشکەکانمان لە ڕۆژئاوا
عاشقی خاکەکەیانن
براکانمان لە ڕۆژئاوا
مەعشوقەکەیان وڵاتە،

من هیچ ناڵێم
دەستی ناپاک لەهەرکوێ بێت
دوژمنی گەل لە هەر جێ بێت
شیعری منیش
وا لەوێیە،

من هیچ ناڵێم
ڕەنگە خودا کوێچکەی کەڕ بێت
چۆن هاواری
مناڵ و دایک نابیستێ،

من هیچ ناڵێم
ئەم ئایەتەم
بۆ نیشتیمان پەخشدەکەم
ئازارێکە لە ڕۆحمایە،

من هیچ ناڵێم
چل و دوو ساڵی تەمەنمە
بەر زوڵمەتی فاشیست کەوتووم،

من هیچ ناڵێم
لە جێی قورعان
شەهیدەکان دەخوێنمەوە و
پڕ بە خۆم
لەبەریان دەکەم،

من هیچ ناڵێم
خۆشەویستی کوردستانم و
دڵم نوقمی گریە بووە
بۆ قامیشلۆ و سەرێ کانی
یان هەولێر و
مەهاباد
دیاربەکر
سوژدە ئەبەم.

زانا سامان

Previous
Next

Leave a Reply