Skip to Content

کتێبی: هونەری وەرگێڕان

کتێبی: هونەری وەرگێڕان

Closed
by تشرینی یه‌كه‌م 24, 2019 Books, General


“هونەری وەرگێڕان” ئەمە ناونیشانی کتێبێکە، کە لە دوو بەش پێک هاتووە، بەشی یەکەمی بابەتێکە لەبارەی وەرگێڕانەوە، ئامادەکاری کتێبەکە بۆچوونی خۆی لەمەڕ ئەم پڕۆسەیەدا خستووەتە ڕوو؛ بەشی دووەمی کتێبەکە چاوپێکەوتنی کۆمەڵێ وەرگێڕی بەتوانان، ئامادەکاری کتێبەکە لەبارەی وەرگێڕانەوە پرسیویەتی.

لە کتێبەکەدا، چەندان لایەن و کەلەبەری تاریک سەبارەت بە وەرگێڕانەوە، تیشکی خراوەتە سەر، وەرگێڕە بەشدارەکانی نێو کتێبەکە، بە چوونگە و بۆچوونی خۆیان پرسەکانیان بە وەڵام گەیاندووە. پرسەکان هونەرییانە پرسراون، وەرگێڕەکانیش وەڵامی هونەرییان داوەتەوە.

ئەم کتێبە کۆشین و ئەزموونی چەند وەرگێڕێکی بەتوانان، کە دەمێکە لەو پانتاییییە ڕەنجیان کێشاوە و ماندوو بوون؛ ئامادەکار ئیشی لەسەر دەرخستنی گەوهەری دەریای هزری بەشداربووان کردووە، لەوانە مامۆستا “عەبدوڵا حەسەن زادە” نێزیکەی نیو سەتەیە لەو مەیدانە ئەسپی خۆی لنگ داوە. بێگومان کۆشان و ئەزموونی گەورە پیاوانی وەک مامۆستا، بۆ نەوەی داهاتوو گرنگە، کورتکردنەوەی ڕێگەی فێربوونن لەم بوارەدا.

کتێبی “هونەری وەرگێڕان” لە لایەن “ژیڤان بەکر”ەوە نووسراوە و ئامادە کراوە، خانەی کولتوور لە شاری هەولێر بۆی چاپ دەکات. دیمانەی نێو کتێبەکە لە ڕۆژنامەی جیا جیا و گۆڤاردا، بڵاو کراونەتەوە. بڕیارە ئەم حەفتەیە چاپ بکرێ و بە هەموو شار و شارۆکەکانی کوردستاندا، بڵاو بکرێتەوە.

mm

دەنگەکان وەک رۆژنامەیەکی ئەلکترۆنی لەپێناوی فەراهەمکردنی سەکۆیەکی ئازاد بۆ دەنگە جیاوازەکان لە ١ی حوزەیرانی ٢٠٠٢ دەستی بەکارکردن کردووە لە شاری تۆرنتۆ. دەنگەکان بە رۆژنامەی خۆتان بزانن و لەرێی ناردنی بابەتەکانتانەوە بەرەو پێشی بەرن لەپێناوی بنیاتنانی کۆمەڵگەیەکی هۆشیار و ئازاد و یەکساندا.

Previous
Next
Kurdish