Skip to Content

قاسدێکم وەک خۆم تەنیا ….  زانا سامان

قاسدێکم وەک خۆم تەنیا …. زانا سامان

Closed
by تشرینی یه‌كه‌م 30, 2019 General, Poems

چی دەبێت … چی
بەم هەموو ڕژانەوە
بەم تێکشکانی وجووەوە بێم و
بێم و خۆمت تێدا بخوێنمەوە،
چی دەبێت چی ..
بەخۆم و بێ
ژەنەڕاڵەوە
بە خۆم و خۆم و حەمەوە٭
لە دەرگای نائومێدی بدەین و
ئیدیی
پێکەوە بڕژێین
‌پێکەوەڕا هەردووکمان
هەڵوەرێین
ئاخر کێ ناڵێ کێ ….
دەستم ناچێتە سەر شیعرێکی مەحوی
کێناڵێت‌کێ …
لە نازم حیکمەتەوە
دوور … زۆر دوور
نامەیەک ناگات
منیش بەچرپە
دڵنەوایی
٭دلاور نادەمەوە
ڕەنگە وابێت
بە خۆم و کۆڵێ نیگارانییەوە
بەخۆم و تێکشکانێکی ئەبەدییەوە
بێم و لە‌خۆمدا
ونتکەم.

زانا سامان

—————————————————–

ژەنەڕاڵ
واتا حەمە عومەر عوسمان
دلاوەر
واتا دلاوەر قەرەداغی

Previous
Next
Kurdish