Skip to Content

84 Views

دوو شیعری حازم جەعەفەر

دوو شیعری حازم جەعەفەر

Be First!
by November 5, 2019 General, Poems
image_print

 

 

لەودیوی زیندانەوە:

 

لە زیندانی،
 لەسەرمە ھەموو
حەفتان جارێك سەردانت بكەم.

 لەو دیوی ئەو شیشانەی زیندان کە لێکمان دەکەن
ڕووت دەبینم،
 لێ نكارم بە چووست و چەڵەنگی لە ھەمبێزت بگرم.

شین و مۆری،

چاك دەتخوێنمەوە،
 چونكینێ جاران ژیان بەكاوەخۆ دەستی دەگرتی،
 چما نووكە داوی فەلەك پساو، وەك كۆلارە بەر
“با” كەوتی.

ھەوڵ دەدەیی
پێم بڵێی: ماندوو نیت،
دڵت لێرە گیرساوەتە و بە ئاسایی چەكەرە دەكات.

لێ من چاك
دەتناسم،
تۆیش چاك دەزانی، چەندە مات و مەلوولیت
 لە دڵەیی كەسەربارم یادداشت دەكەم.
——————-

لەسەر دەستی ژیان تەرمێك

ئەگەرچی لە كونجێكی ئەو جیھانە
ناحەوێمەوە،

بەڵام، تا تەمەن دەڕوات؛ حەوجەی ژیانم.

ئەگەرچی ژیان لەوە خراپتر نایەتە پێش،
بەڵام، تا دەژیم: بە ئومێدی باشتربوونی خودی خود تێ
دەكۆشم
!

ئەگەرچی خودی خود شێواوە، بەڵام، تا
خود؛

لە ئێوارەیەكی پڕ دوكەلی ئەم شارەدا نە خنكاوە، دەڕۆم.

لە فێنكایی دۆلێكی ئاوە بارانە؛
لە نێو پەرێزی غوربەتدا: “كا”ی نامورادی بە
“با” دەكەم
.


حازم جەعفەر

 

 


Previous
Next

Leave a Reply