Skip to Content

124 Views

حه‌رفه‌كانی قه‌ده‌ر… شه‌ونم زه‌ندی

حه‌رفه‌كانی قه‌ده‌ر… شه‌ونم زه‌ندی

Be First!
by November 5, 2019 General, Poems


له‌م شاره‌ بێ تروسكه‌دا
هه‌ر ورشه‌ی چاوی هۆنراوه‌یه‌
به‌ سه‌ر شاری كڕ و كپا
وه‌نه‌وزیه‌تی و تروسكه‌دا
هیوایه‌كی كپ كراو
سه‌رده‌مێكه‌ چاوه‌ڕوانی ئه‌ستێره‌یه‌
واقعێكی رووكه‌شكراو
له‌ چاو تروكانێكا …..
(( بوون )) ده‌سڕێته‌وه‌
له‌ ته‌نیا ساته‌ وه‌ختێكا ….
نه‌مری به‌ ( عه‌ده‌م ) ،
خه‌ونه‌ ئه‌رخه‌وانییه‌كان ،
چه‌ندان به‌هار ئه‌كا به‌ (( پایز ))
لێمان یه‌قینه‌ …
لێمان یه‌قینه‌ …
له‌ زه‌مه‌نێكی وه‌ك ئه‌مڕۆ …
كه‌ هه‌ر (( خه‌ون )) پردی پڕینه‌وه‌ بێ
ته‌مه‌نیش هه‌ر وه‌ك گه‌ڵاكانی پاییز
له‌ كه‌لێنی په‌نجه‌كانا … هه‌ڵده‌وه‌رێ
ئه‌مه‌ زه‌مه‌نی یاده‌ تاڵ و
خه‌نده‌ تۆراوه‌كانه‌
ته‌نانه‌ت …
حه‌رفه‌كانی قه‌ده‌ریش
به‌ چه‌قۆی ده‌ستی ئاده‌مییه‌ك
ڕێگه‌ی مه‌رگه‌سات ده‌گرێ …
11 / 1994

Previous
Next

Leave a Reply