Skip to Content

68 Views

به‌یانی بوو … شیعری شه‌هید  زانا مه‌حموود حه‌مزه‌

به‌یانی بوو … شیعری شه‌هید زانا مه‌حموود حه‌مزه‌

Be First!
by November 5, 2019 General, Poems
image_print


به‌یانی بوو
هه‌تاو هێشتا ڕێگه‌ی شاری نه‌دیبۆوه‌
هێشتا.. ده‌ستی زه‌رده‌په‌ڕیش …
نێوچه‌وانی نه‌سڕیبۆوه‌ .
له‌ ئاوێنه‌ی به‌رده‌م … لاشه‌ی مناڵێكا
هه‌ژده‌ر.. هه‌ژده‌ر
ئاسۆی ته‌ڵخی ئه‌م وڵاته‌ ده‌بوو به‌ ته‌م
دڵی شاری .. ترسنۆكیش …
ده‌یگازاندێ و به‌ ئاوازێكی .. پڕ له‌ خه‌م
گۆرانی سبه‌ینێی ده‌چڕی
په‌ڕه‌سێلكه‌ی .. به‌هارێ بوو
به‌ نێو ڕه‌شه‌بای …
زستانی تووشا ده‌فڕی
به‌ هه‌مان ئاوازی ڕێگه‌ی كارگه‌كان و
له‌ گه‌ڵ نه‌وای ڕێگه‌ی كێڵگه‌ و ڕه‌ز و بێستان
به‌ كزێكه‌وه‌ ده‌یناڵاند
شاری مردووه‌كان هه‌ڵده‌ستێ
بازووی به‌ تین له‌ تێكۆشان ده‌خاته‌ كار
لاسكی هێشتا قه‌ف نه‌كرد و
له‌ كه‌مه‌ری خۆی ده‌به‌ستێ
هه‌زاران ده‌ست .. چه‌پڵه‌ی گوشادی لێ ده‌ده‌ن
ئه‌وسا نه‌ كه‌س له‌ برسا سك ئه‌گوشێ و
نه‌ مناڵی دڵی بچكۆڵه‌ی له‌ سه‌رمانا ده‌وه‌ستێ

Previous
Next

Leave a Reply