Skip to Content

72 Views

دۆزینەوە … شیعر: مەولود ئیبراهیم حەسەن

دۆزینەوە … شیعر: مەولود ئیبراهیم حەسەن

Be First!
by November 8, 2019 General, Poems
image_print



چاوی خۆم بۆیە خۆشدەوێ
هه مێشە
بە هیوای دیداری تۆیە.


دەستەکانی خۆم
بۆیە خۆشدەوێ
بەردەوام
چەپکە گوڵی
دیاری بەدەستەوەیە
پێشکەشت کات .


ئەو پێیانەی خۆم
بۆیە خۆشدەوێ
شەوو ڕۆژ لەسەر پێیە
بۆ پێشوازی تۆ.


خەیاڵی خۆم
بۆیە لا جوانە
بەردەوام
پڕە لە جوانییەکانی تۆ.


دەمی خۆم
بۆیە خۆشدەوێ
هه ردەم
ناوی تۆی لەسەرزارە.


دڵی خۆم بۆیە لا گرنگە
چۆن هه میشە
لەسەر ئاوازی تۆ
لێدەدات .


سییەکانی خۆم
بۆیە پێویستە
بەردەوام
بە- با – ی تۆوە(*)
هه ناسەدەدات.


خۆم ..
بۆیە خۆشدەوێ
دواجار توانیم
تۆم خۆشبوێت


تۆم ..
بۆیە خۆشدەوێ
بە خۆشەویستی تۆوە
سەرەتا
خۆم دۆزیەوە.


**** هه ولێر -٥/١٠/٢٠١٩
(*) بەو -با – دەژیم دێت لەلای تۆوە . فۆلکلۆر

Previous
Next

Leave a Reply